یومِ آزادی دے موقعے تے ایل او سی تے موجود پاک فوج دے جواناں دا وطن نال وفا تے قومی عزم دا سنیھا

اسلام آباد (اے پی پی) یومِ آزادی دے موقعے تے ایل او سی تے موجود پاک فوج دے جواناں نے وطن نال وفا تے قومی عزم دا اظہار کیتا اتے جشنِ آزادی دے موقعے تے ملک دی حفاظت کیتے سرحداں تے موجود جواناں اہل وطن کوں آزادی دی مبارکباد دا سنیھا ݙتا۔ انہاں وطن دی سلامتی، دفاع تے شہداء دی قربانیاں کوں خراجِ عقیدت پیش کریندے ہوئیں پاکستان دی حفاظت دے عزم دا اعادہ وی کیتا۔ یومِ آزادی دے موقعے تے پاک فوج دے بہادر جواناں دا آکھݨ ہئی جو 14 اگست ایں حقیقت دی مثال اے جو آزادی قربانی نال حاصل تھیندی اے اتے عزم و اتحاد نال محفوظ رہندی اے، سبز ہلالی پرچم دی سربلندی شہداء دی لازوال قربانیاں دا ثمر اے جینکوں پاک فوج دفاعِ وطن دے عزم نال ہمیشہ قائم رکھیسی۔ جوانانِ پاک فوج اکھیا جو پہاڑاں توں محاذاں تئیں پاک فوج وطن دی حفاظت دے عزم کوں ہمیشہ مقدم رکھیندی اے، پاک فوج مقبوضہ کشمیر دی جدوجہدِ آزادی کوں قدر دی نگاہ نال ݙیکھدیں ہوئیں امتِ مسلمہ دی امیداں دا محافظ بݨݨ تے فخر کریندی اے۔ انہاں اکھیا جو مکہ مشترکہ دفاعی معاہدہ آپسی اتحاد، اعتماد تے دفاعی عزم کوں ٻیا مضبوط بݨاوݨ دی علامت اے۔ پاک فوج دے جواناں یومِ آزادی دے پرمسرت موقعے تے وطن دی سلامتی تے دفاع کیتے کہیں وی قربانی توں دریغ نہ کرݨ دے عزم دا اظہار وی کیتا۔