جدید طبی سہولتاں نال آراستہ 400 بستریاں تے مشتمل نواں ہسپتال 30 مارچ 2027ء تئیں مکمل کر تے فعال کر ݙتا ویسی، وفاقی وزیر مصطفیٰ کمال دی میڈیا نال ڳالھ مہاڑ

اسلام آباد۔ 08 ستمبر (اے پی پی) وفاقی وزیر برائے قومی صحت خذمات، ضوابط تے رابطہ مصطفیٰ کمال آکھیا جو جدید طبی سہولتاں نال آراستہ 400 بستریاں تے مشتمل نواں ہسپتال 30 مارچ 2027ء تئیں مکمل کر تے فعال کر ݙتا ویسی، منصوبے تے کم تیزی نال جاری اے اتے ایں دی تکمیل وزیرِ اعظم دی مقرر کردہ تاریخ تئیں یقینی بݨائی ویسی۔ منگل دے ڈینہہ اتھاں میڈیا نال ڳالھ مہاڑ کریندیں ہوئیں وفاقی وزیر آکھیا جو منصوبے دی تکمیل محض دعویٰ نئی ٻلکہ تعمیراتی کم دی پیش رفت موقع اتے ڈٹھی ونڄ سڳدی اے، منصوبے کوں سی ڈی اے دی منظوری سمیت مختلف انتظامی تے قانونی پیچیدگیاں دا سامݨا ہئی ڄنہاں کوں ہݨ حل کر گھدا ڳئے۔ انہاں ݙسایا جو منصوبے دا نظرثانی شدہ پی سی ون ہک عرصے توں التواء دا شکار ہئی ڄیندی لاگت 9 ارب روپے توں ودھا تے 16 ارب روپے کر ݙتی ڳئی۔ انہاں آکھیا جو او خود تے انہاں دی ٹیم منصوبے دی منظوری تے کم دی رفتار تیز کرݨ کیتے منصوبہ بندی بارے اجلاساں تے سی ڈی ڈبلیو پی دے اجلاساں اچ شریک تھئے۔ وفاقی وزیر آکھیا جو منصوبے تے کم شروع تھیوݨ ویلھے پیش رفت تقریباً 13 فیصد ہئی ڄہڑی ہݨ ساختی اعتبار نال 60 فیصد تائیں پڄ ڳئی اے ڄݙاں جو ٻئے متعلقہ کماں دا تقریباً 90 فیصد حصہ مکمل تھی ڳئے۔ انہاں آکھیا جو ہسپتال کیتے ضروری طبی آلات دی خریداری دے احکامات جاری کیتے ونڄ ڳئن، کئی آلات پاکستان پڄ ڳئن ڄݙاں جو ٻئے رستے اچ ہن، کہیں سامان دی فراہمی اچ تاخیر تھئی تاں وزیرِ اعظم دی ہدایت دے مطابق اونکوں فضائی رستے توں منگوایا ویسی تانجو منصوبے دی تکمیل متاثر نہ تھیوے۔ انہاں آکھیا جو کنگ سلمان ہسپتال دے منصوبے اچ سعودی عرب دا وی اہم کردار اے اتے سعودی حکام تے متعلقہ ادارے ایں منصوبے اچ شامل ہن ڄݙاں جو ایں دی مالی معاونت سعودی عرب ولوں کیتی ویندی پئی اے۔ وفاقی وزیر آکھیا جو کنگ سلمان ہسپتال کوں مرحلہ وار مکمل کیتا ویسی اتے پہلے مرحلے اچ ݙو سالاں دے اندر 200 بستریاں کوں فعال کرݨ دا ہدف مقرر کیتا ڳئے۔ اسلام آباد دی 28 ڈسپنسریاں دے حوالے نال انہاں آکھیا جو انہاں مرکزاں اچ انسانی وسائل دی کمی ہک اہم مسئلہ اے۔ انہاں آکھیا جو گزشتہ 14 مہینیاں دے دوران وزارت متعدد اہم منصوبیاں تے پیش رفت کیتی اے جڈانجو صحت دے شعبے اچ ہݨ وی ٻہوں سارے مسائل موجود ہن ڄنہاں دے حل کیتے ٻئے اقدامات دی ضرورت اے۔