ملک دے میدانی علاقیں اچ تتا رہسی، محکمہ موسمیات

اسلام آباد۔ 08 ستمبر (اے پی پی) آندے 24 گھنٹے اچ ملک دے میدانی علاقیں اچ موسم تتا رہسی ،جݙاں جو گلگت بلتستان اچ مطلع جزوی طور تے ٻدل آلا رہسی۔ محکمہ موسمیات موجب موجودہ صورتحال کوں سامݨے رکھیندے ملک دے زیادہ تر علاقیں اچ ہوائیں موجود ہن۔ مغربی ہوائیں دا کمزور سلسلہ ملک دے شمالی علاقیں تے وی موجود اے۔ گزریل 24 گھنٹے دے دوران ملک دے زیادہ تر میدانی علاقیں اچ موسم تتا تے تے مرطوب ریہا، جݙاں جو اُتلے خیبر پختونخوا تے گلگت بلتستان اچ کجھ جہیں تے ہلکا مینھ وسیا ۔ ساریں توں ودھ مینھ خیبر پختونخوا اچ کالام 02، گلگت بلتستان اچ گوپس اچ 01 ملی میٹر ریکارڈ کیتا ڳئے۔ منگل کوں ریکارڈ کیتے ڳئے ودھ توں ودھ درجہ حرارت نوکنڈی 43، سبی، بھکر 42، دادو، تربت، دالبندین، نورپورتھل اچ 41 ڈگری سینٹی گریڈ ریکارڈ کیتا ڳئے۔