لاہور۔ 08 ستمبر (اے پی پی) وزیرِاعلیٰ مریم نواز یومِ بحریہ دے موقع تے سمندری حدود دی حفاظت کیتے خذمتاں انجام ݙیوݨ آلے پاک بحریہ دے سارے افسراں تے جواناں کوں خراجِ تحسین پیش کیتے۔ اپݨے خصوصی پیغام اچ وزیرِاعلیٰ پاک بحریہ دے شہداء تے غازیاں کوں وی خراجِ عقیدت پیش کریندے آکھیا جو پاکستان نیوی ہر موقع تے اپݨی شاندار پیشہ ورانہ صلاحیتاں دا بھرپور مظاہرہ کر تے دشمن …
پاکستان نیوی ہرموقع تے اپݨی شاندار پیشہ ورانہ صلاحیتاں دا بھرپور مظاہرہ کرتے دشمن تے اپݨی برتری ثابت کیتی اے، مریم نواز
مزید خبراں
لاہور۔ 08 ستمبر (اے پی پی) وزیرِاعلیٰ مریم نواز یومِ بحریہ دے موقع تے سمندری حدود دی حفاظت کیتے خذمتاں انجام ݙیوݨ آلے پاک بحریہ دے سارے افسراں تے جواناں کوں خراجِ تحسین پیش کیتے۔ اپݨے خصوصی پیغام اچ وزیرِاعلیٰ پاک بحریہ دے شہداء تے غازیاں کوں وی خراجِ عقیدت پیش کریندے آکھیا جو پاکستان نیوی ہر موقع تے اپݨی شاندار پیشہ ورانہ صلاحیتاں دا بھرپور مظاہرہ کر تے دشمن تے اپݨی برتری ثابت کیتی۔ انہاں آکھیا جو پاک بحریہ 8 ستمبر دے تاریخی آپریشن اچ کامیابی حاصل کرتے دشمن تے اپݨی برتری دی دھاک ٻلہائی، ڄݙاں جو بحری جنگ اچ پاک بحریہ دی آبدوز غازی شاندار تاریخ رقم کیتی۔ انہاں آکھیا جو پاک بحریہ بحری تجارت دے ودھارے تے تحفظ کیتے وی اہم کردار ادا کریندی پئی اے۔ موجودہ عالمی حالات اچ آبنائے ہرمز تے کشیدگی دے باوجود پاکستانی پرچم بردار تجارتی بحری جہازاں دی بلا تعطل آونڄ یقینی بݨاوݨ اچ پاک بحریہ اہم کردار ادا کیتا۔ انہاں آکھیا جو پاکستان نیوی اپݨی شاندار عوامی خذمتاں دے ذریعے بحری سفارتکاری وی سرانجام ݙیندی پئی اے۔
