وزیرِ اعظم شہباز شریف دا بلوچستان اچ دہشت گرداں دے خلاف کامیاب کارروائی تے سکیورٹی فورسز کوں خراجِ تحسین

اسلام آباد۔ 09 ستمبر (اے پی پی) وزیرِ اعظم محمد شہباز شریف بلوچستان اچ دہشت گرداں دے خلاف کامیاب کارروائی تے سکیورٹی فورسز کوں خراجِ تحسین پیش کریندیں ہوئیں آکھیا جو بھارتی سرپرستی اچ تھیوݨ آلی دہشت گردی دا مکمل خاتمہ کیتا ویسی۔ بدھ کوں اتھاں وزیرِ اعظم آفس دے میڈیا ونگ توں جاری بیان اچ وزیرِ اعظم بھارتی سرپرستی اچ سرگرم 11 دہشت گرداں کوں ہلاک کرݨ تے سکیورٹی فورسز دی بروقت تے مؤثر کارروائی کوں سراہیا۔ وزیرِ اعظم خاران اچ سڑک بلاک کر تے آمد و رفت متاثر کرݨ دی کوشش ناکام بݨاوݨ، واشک اچ دہشت گرداں دے ٹکاݨے کوں تباہ کرݨ تے 2.9 ٹن دھماکہ خیز مواد برآمد کرݨ تے فورسز دیاں پیشہ ورانہ صلاحیتاں کوں سراہیا۔ وزیرِ اعظم شہباز شریف آکھیا جو دہشت گرد اتے انہاں دے سہولت کاراں دے مذموم عزائم کݙاہیں وی کامیاب نہ تھیسن اتے بھارتی سرپرستی اچ تھیوݨ آلی دہشت گردی دا مکمل خاتمہ کیتا ویسی۔ انہاں آکھیا جو فتنۃ الخوارج تے ٻئے دہشت گرد عناصر دے خلاف کارروائیاں پوری قوت نال جاری راہسن۔