قائم مقام صدر سید یوسف رضا گیلانی دا بلوچستان اچ 11 دہشت گرداں دی ہلاکت تے سکیورٹی فورسز کوں خراجِ تحسین

اسلام آباد۔ 09 ستمبر (اے پی پی) قائم مقام صدر سید یوسف رضا گیلانی بلوچستان اچ 11 دہشت گرداں دی ہلاکت تے سکیورٹی فورسز کوں خراجِ تحسین پیش کریندیں ہوئیں آکھیا جو دہشت گردی دے خاتمے کیتے پاکستان دے عزم کوں کوئی متزلزل نئی کر سڳدا۔ بدھ کوں ایوانِ صدر دے پریس وِنگ توں جاری بیان دے مطابق قائم مقام صدر آکھیا جو سکیورٹی فورسز دی جرأت، پیشہ ورانہ صلاحیت تے عزم قابلِ تحسین اے۔ انہاں آکھیا جو واشک اچ دہشت گرداں دے ٹکاݨے توں وݙی مقدار اچ دھماکہ خیز مواد برآمد کرݨ اہم کامیابی اے۔ سید یوسف رضا گیلانی آکھیا جو پوری قوم ملک دے امن تے سلامتی کیتے قربانیاں ݙیوݨ آلی سکیورٹی فورسز دے نال کھڑی اے، بلوچستان سمیت ملک بھر اچ پائیدار امن تے استحکام کیتے پرعزم ہن۔