اسلام آباد۔ 14 ستمبر (اے پی پی) وفاقی وزیرِ صحت مصطفیٰ کمال پمز ہسپتال اچ 200 بستریاں تے مشتمل نویں ایمرجنسی دا دورہ کیتا اتے اتھاں جاری تیاریاں تے مکمل کیتے ڳئے کام دا تفصیلی جائزہ گھدا۔ ایں موقع تے ایگزیکٹو ڈائریکٹر پمز تے ہسپتال انتظامیہ وفاقی وزیرِ صحت کوں نویں ایمرجنسی کوں آپریشنل کرݨ کیتے کیتے ڳئے انتظامات تے پیش رفت دے حوالے نال بریفنگ ݙتی۔ وفاقی وزیرِ صحت …
وفاقی وزیرِ صحت دا پمز ہسپتال دی نویں ایمرجنسی دا دورہ
اسلام آباد۔ 14 ستمبر (اے پی پی) وفاقی وزیرِ صحت مصطفیٰ کمال پمز ہسپتال اچ 200 بستریاں تے مشتمل نویں ایمرجنسی دا دورہ کیتا اتے اتھاں جاری تیاریاں تے مکمل کیتے ڳئے کام دا تفصیلی جائزہ گھدا۔ ایں موقع تے ایگزیکٹو ڈائریکٹر پمز تے ہسپتال انتظامیہ وفاقی وزیرِ صحت کوں نویں ایمرجنسی کوں آپریشنل کرݨ کیتے کیتے ڳئے انتظامات تے پیش رفت دے حوالے نال بریفنگ ݙتی۔ وفاقی وزیرِ صحت نویں ایمرجنسی اچ موجود طبی سہولتاں، مریضاں کیتے دستیاب انتظامات تے ٻئے ضروری امور دا وی جائزہ گھدا۔ وفاقی وزیرِ صحت مصطفیٰ کمال ہدایت کیتی جو پمز دی نویں 200 بستریاں تے مشتمل ایمرجنسی کوں آندے 24 گھنٹیاں دے اندر آپریشنل کرݨ کیتے تمام ضروری انتظامات مکمل کیتے ونڄن۔ انہاں آکھیا جو نویں ایمرجنسی دے فعال تھیوݨ نال پمز اچ مریضاں کوں بہتر تے بروقت طبی سہولتاں دی فراہمی اچ مدد ملسی۔
