اسلام آباد۔28 ستمبر(اے پی پی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال آکھیے جو پاکستان وسطی ایشیا نال تجارت، جدید ریل رابطیاں اتے نویں تجارتی رستیاں کوں فروغ ݙے تے اپݨی جغرافیائی پوزیشن کوں معاشی ترقی، سرمایہ کاری اتے علاقائی رابطیاں کیتے استعمال کرݨ چاہندے۔”ایکس“ تے سنیہے اچ انہاں آکھیا جو او پاکستان دی نمائندگی کیتے منگولیا دے دارالحکومت اولان باتور اچ سنٹرل ایشیا ریجنل اکنامک …
پاکستان کوں وسطی ایشیا نال جدید ریل رابطیاں اتے نوین تجارتی راستیاں نال جوڑݨ چاہندے ہیں، احسن اقبال
اسلام آباد۔28 ستمبر(اے پی پی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال آکھیے جو پاکستان وسطی ایشیا نال تجارت، جدید ریل رابطیاں اتے نویں تجارتی رستیاں کوں فروغ ݙے تے اپݨی جغرافیائی پوزیشن کوں معاشی ترقی، سرمایہ کاری اتے علاقائی رابطیاں کیتے استعمال کرݨ چاہندے۔”ایکس“ تے سنیہے اچ انہاں آکھیا جو او پاکستان دی نمائندگی کیتے منگولیا دے دارالحکومت اولان باتور اچ سنٹرل ایشیا ریجنل اکنامک کوآپریشن اجلاس اچ شرکت کیتے پڄ ڳئن۔ اولان باتور ایئرپورٹ پڄݨ تے منگولیا دی وزارتِ معیشت دے سٹیٹ سیکرٹری بتخو ایدیش وفاقی وزیر احسن اقبال دا خیرمقدم کیتا۔ احسن اقبال آکھیا جو سنٹرل ایشیا ریجنل اکنامک کوآپریشن اجلاس پاکستان کیتے وسطی ایشیائی ممالک نال معاشی اتے تجارتی روابط ٻئے تکڑے ٻݨاوݨ دا اہم موقع اے۔ پاکستان پاکستان دی جغرافیائی اہمیت اوکوں وسطی ایشیا، چین اتے عالمی منڈیاں وچال ہک اہم رابطہ ݙیندی اے، ڄیندے توں ودھ فیدہ چاوݨ کیتے علاقائی تعاون اتے مربوط ٹرانسپورٹ رابطیاں کوں ٻیا مضبوط بݨاوݨ ضروری اے۔
