راولپنڈی۔7 اکتوبر(اے پی پی)پاک بحریہ بحیرۂ عرب اچ انسدادِ منشیات دے ݙو کامیاب آپریشنز کریندے بین الاقوامی مارکیٹ اچ تقریباً 96 ملین امریکی ڈالرز مالیت دی منشیات دی باری کھیپ سمگل کرݨ دی کوشش ناکام بݨا ݙتی۔ آئی ایس پی آر موجب پاک بحریہ دے جہاز پی این ایس یرموک ملکی ساحل توں پرے بحیرۂ عرب دے کھلے سمندر اچ انسدادِ منشیات دے ݙو انڄ انڄ آپریشنز کیتے۔ کارروائیاں دے …
پاک بحریہ دی کھلے سمندر اچ وݙی کارروائی، ارباں روپے مالیت دی باری مقدار اچ منشیات برآمد
مزید خبراں
راولپنڈی۔7 اکتوبر(اے پی پی)پاک بحریہ بحیرۂ عرب اچ انسدادِ منشیات دے ݙو کامیاب آپریشنز کریندے بین الاقوامی مارکیٹ اچ تقریباً 96 ملین امریکی ڈالرز مالیت دی منشیات دی باری کھیپ سمگل کرݨ دی کوشش ناکام بݨا ݙتی۔ آئی ایس پی آر موجب پاک بحریہ دے جہاز پی این ایس یرموک ملکی ساحل توں پرے بحیرۂ عرب دے کھلے سمندر اچ انسدادِ منشیات دے ݙو انڄ انڄ آپریشنز کیتے۔ کارروائیاں دے دوران مشتبہ نقل و حرکت تے ݙوکشتیاں کوں روکیا ڳئے تے انہاں دی تلاشی ڳھدی ڳئی۔ تلاشی دے دوران کشتیاں دے خفیہ خانیں توں مہارت نال لُکائی ڳئی 850 کلوگرام آئس (کرسٹل میتھ) تے 2000 کلوگرام حشیش/چرس برآمد کیتی ڳئی۔ وٹھی ڳئی مجموعی منشیات دی مالیت بین الاقوامی سطح تے تقریباً 96 ملین امریکی ڈالرز بݨدی اے۔ ضبط کیتی ڳئی منشیات تے قصیات کوں تحویل اچ گھن ڳھدا ڳئے جنہاں کوں مزید قانونی کارروائی تے تلف کرݨ کیتے متعلقہ حکام دے حوالے کیتا ویسے۔ آئی ایس پی آر دا آکھݨ اے جو کھلے سمندر اچ اے کامیاب آپریشنز پاک بحریہ دی سمندری حدود اچ ہمہ وقت چوکس، مسلسل موجودگی تے خطے دے سمندری تحفظ دے نال نال غیر قانونی سمگلنگ روکݨ دے غیر متزلزل عزم دا منہ ٻولیندا ثبوت ہن۔
