اسلام آباد۔15 اکتوبر (اے پی پی) چیئرمین سینیٹ سید یوسف رضا گیلانی پشاور دے علاقے دیر کالونی اچ نجی سکول دی چھت ݙہݨ نال کئی ٻالاں دی ہلاکت تے ݙکھ تے افسوس دا اظہار کیتے۔ سینیٹ سیکرٹریٹ توں جاری بیان دے مطابق چیئرمین سید یوسف رضا گیلانی جاں بحق تھیوݨ آلے ٻالاں دے اہل خانہ نال دلی تعزیت تے ہمدردی دا اظہار کریندیں ہوئیں آکھیا جو معصوم ٻالاں دی ہلاکت …
چیئرمین سینیٹ سید یوسف رضا گیلانی دا پشاور اچ نجی سکول دی چھت ݙہݨ نال ٻالاں دی ہلاکت تے افسوس
مزید خبراں
اسلام آباد۔15 اکتوبر (اے پی پی) چیئرمین سینیٹ سید یوسف رضا گیلانی پشاور دے علاقے دیر کالونی اچ نجی سکول دی چھت ݙہݨ نال کئی ٻالاں دی ہلاکت تے ݙکھ تے افسوس دا اظہار کیتے۔ سینیٹ سیکرٹریٹ توں جاری بیان دے مطابق چیئرمین سید یوسف رضا گیلانی جاں بحق تھیوݨ آلے ٻالاں دے اہل خانہ نال دلی تعزیت تے ہمدردی دا اظہار کریندیں ہوئیں آکھیا جو معصوم ٻالاں دی ہلاکت دا المناک واقعہ انتہائی افسوسناک اے۔ انہاں آکھیا جو او ایں سانحے تے سوگوار خانداناں دے ݙکھ اچ برابر دے شریک ہن۔ سید یوسف رضا گیلانی متعلقہ حکام کوں ہدایت کیتی جو حادثے اچ زخمی تھیوݨ آلے ٻالاں کوں بہترین طبی سہولیات فراہم کیتیاں ون٘ڄن اتے انہاں دے علاج معالجے اچ کوئی کسر چھوڑی ونڄے۔ چیئرمین سینیٹ آکھیا جو ایں طرح دے افسوسناک حادثات دی روک تھام کیتے مؤثر اقدامات کرݨ ضروری اے، متعلقہ ادارے تعلیمی اداریاں دی عمارتاں دی حفاظت یقینی بݨاوݨ کیتے مؤثر حکمتِ عملی اختیار کرن تانجو مستقبل اچ ایجھے واقعیاں توں بچیا ون٘ڄ سڳے۔ انہاں جاں بحق ٻالاں دی مغفرت، لواحقین کیتے صبرِ جمیل تے زخمی ٻالاں دی جلد صحتیابی کیتے وی دعا کیتی۔
