امیر قطر ولوں پاکستان اچ براہ راست سرمایہ کاری اتے ڈیپازٹس سانگے ترائے ارب امریکی ڈالر ڈیونڑ دے اعلان تے پاکستان دی عوام اتے حکومت انہاں دا شکریہ ادا کریندی اے، ،وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان دا سی پی این ای دی قائمہ کمیٹی دے اجلاس نال خطاب اتے صحافیاں نال گالھ مہاڑ

اسلام آباد ۔ 24 جون (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیا جو امیر قطر ولوں پاکستان اچ براہ راست سرمایہ کاری اتے ڈیپازٹس سانگے ترائے ارب امریکی ڈالر ڈیونڑ دے اعلان تے پاکستان دی عوام اتے حکومت انہاں دا شکریہ ادا کریندی اے،اے نویں پاک قطر ملکیت (اونر شپ) دے رستے دا منڈھ اے جیڑھا جو ڈو پاسہ تعلقات کوں نویں اچائیاں تے گھن ویسی،وزیراعظم عمران خان پوری دنیااچ پاکستان دے تشخص،وقار اتے قومی سلامتی اتے دفاع دا مقدمہ لڑدے پئن،پوری دنیا عمران خان تے اعتماد کریندی پی اے اتے عالمی قیادت عمران خان دے رلے کھڑی اے،پاکستان کوں کلھا کرنڑ آلے اتے کندھی نال لاونڑ دا خواب ڈیکھنڑ آلیاں کوں ناکامی توں سوا کجھ کائنا ملسی،اسٹیٹس کو دا خاتمہ وزیراعظم عمران خان دا وژن اتے پی ٹی آئی دی پہلی ترجیح اے،ایم این ایز دے ووٹاں نال جتنڑ آلے وزیراعظم کوں سلیکٹڈ آکھنڑ آلے نہ صرف انہاں دی پورے ایوان دی توہین کریندن، پارلیمنٹیرین ہوندیں ہوئیں انہاں دا فرض اے جو او وٹ کوں عزت ڈیون،طویل المدتی اتے پائیدار روڈ میپ تے اشتہارات پالیسی دے ڈرافت کوں سارے اسٹیک ہولڈرز دے مشورے دے بعد چھیکڑی شکل ڈتی ویسی،جولائی دے ڈوجھے ہفتے اچ اشتہارات تے سوشل میڈیا پالیسی کابینہ اچ پیش کیتی ویسی۔اے گالھیں انہاں سنوار کوں سی پی این ای دی قائمہ کمیٹی دے اجلاس نال خطاب اتے صحافیاں نال گالھ مہاڑکریندیں ہوئیں آکھی۔ سیکریٹری وزارت اطلاعات تے نشریات زاہدہ پروین، پی آئی او طاہر خوشنود دے علاوہ سی پی این ای دی مرکزی قیادت اتے سی پی این ای دے قومی تے علاقائی اخباراں دے ممبراں دی وڈی تعداد اجلاس اچ شریک تھئی۔