حج آپریشن 4 جولائی توں شروع تھیسی ، پی آئی اے دیاں پروازاں 5 اگست تئیں سعودی عرب ویسن، وفاقی وزیر ہوابازی غلام سرور خان دی بریفنگ دے دوران گال مہاڑ

اسلام آباد ۔ یکم جولائی (اے پی پی) وفاقی وزیر ہوابازی غلام سرور خان آکھیے جو پی آئی اے پہلی واری کوئٹہ توں وی حج اپریشن شروع کریندا پئے جیرھاجو قابل تعریف اے ۔اے گال انہاں سنوار کوں ہک بریفنگ دے دوران آکھی اے ۔ بریفنگ اچ ڈسائے جو حج اپریشن چار جولائی توں شروع تھیندا پئے ۔۔ پی آئی اے دیاں پروازاں 5 اگست 2019ءتئیں سعودی عرب ویسن ۔ حج دے بعد 17 اگست توں 14 ستمبر 2019ءتئیں پی آئی اے دیاں پروازاں وطن واپس آسن ۔ پی آئی اے حج آپریشن کیتے294 پروازاں دا انتظام کیتے جیں اچ 201 پروازاں اچ B 777 استعمال تھیسی اور 94 پروازوں کیتے A-320 استعمال تھیسی ۔ ایں سلسلےا چ پی آئی اے مدینہ کیتے 86پروازاں تے جدہ کیتے 208پروازاں دا انتظام کیتے ۔ پی آئی اے سروس 78258 حاجی استعمال کریسن ۔ حج آپریشن اچ اسلام آباد توں46 پروازاں 13171 حاجیاں کوں حجاز مقدس گھن ویسی ۔ کراچی توں 62 پروازاں 19745 حاجی، لاہور توں 51 پروازاں 15562 حاجی ، پشاور توں 29 پروازاں 10446 حجاج ، سکھر توں 12 پروازاں 4358 حاجی ، ملتان توں 21 پروازاں 5077 حاجی ، فیصل آباد توں 17 پروازاں 1,549 حاجی ، کوئٹہ توں 56 پروازاں 8350 حاجیاں کوں حجاز مقدس گھن ویسی۔