روڈ ٹو مکہ پراجیکٹ تحت پاکستانی حاجیاں دی کسٹم چیکنگ اتے امیگریشن پاکستان اچ تھیسی اتے سعودی ایئرپورٹس تے عازمین حج کوں انتظار دی زحمت کائناں کرنڑ پوسی ، روڈ ٹو مکہ پراجیکٹ مطابق اسلام آباد ایئر پورٹ تے خصوصی کاونٹرز بنڑا ڈتے گن ، وزیر خارجہ شاہ محمود قریشی

اسلام آباد(اے پی پی) وزیر خارجہ شاہ محمود قریشی آکھیے جو ملائشیا، انڈونیشیا اتے تیونس آلی کار پاکستان کوں خصوصی حج سہولت پروگرام ” روڈ ٹو مکہ”اچ شامل کرنڑ تے سعودی ولی عہد شہزادہ محمد بن سلمان اتے سعودی حکومت دا شکریہ ادا کریندے ہوئیں آکھیا جوروڈ ٹو مکہ پراجیکٹ تحت ایں سال ڈولکھ 25 ہزار حاجی جج کریسن۔ بدھ کوں اپنڑے ہک بیان اچ وزیر خارجہ آکھیا جو وزیراعظم عمران خان سعودی ولی عہد شہزادہ محمد بن سلمان دے دورہ پاکستان دوران پاکستان کوں “روڈ ٹو مکہ”پراجیکٹ اچ شامل کرنڑ دی درخواست ڈتی ہائی۔ روڈ ٹو مکہ پراجیکٹ مطابق پاکستانی حاجیاں دی کسٹم چیکنگ اتے امیگریشن پاکستان اچ تھیسی اتے سعودی ایئرپورٹس تے حاجیاں کوں انتظار دی زحمت کائناں کرنڑ پوسی۔وزیر خارجہ آکھیا جو روڈ ٹو مکہ پراجیکٹ تحت اسلام آباد ایئر پورٹ تے خصوصی کاونٹرز بنڑ ا ڈتے گن ۔واضح رہوے جو حج 2019 سانگے فضائی آپریشن 4 جولائی توں شروع تھی ویسی۔