میانوالی ۔ 22 نومبر (اے پی پی) وزیراعظم عمران خان آکھیا جو میں اپنڑی کرسی بچاونڑ سانگے نی تبدیلی سانگے اقتدار اچ آیاں،اساڈی کوششاںنال ملک سدھے پاسے ٹرپئے،کمزور طبقے اتے علاقیاں کوں ترقی ڈیسوں،مہنگائی تے قابو کر تے ڈکھیساں،تبدیلی اوں ویلھے امسی جڈاں مافیا کوں ہریسوں،شریف ٹبر پیسہ چوری کر تے باہر چا گئے،اپوزیشن دی کوشش اے جو مک مکا نال کیتی گئی لٹ مار دے مقدمیاں توں کینویں بچسن،انہاں …
اساڈی کوششاں نال ملک سدھے پاسے ٹرپئے،وزیراعظم عمران خان دا زچہ بچہ سینٹر دی افتتاحی تقریب توں خطاب
میانوالی ۔ 22 نومبر (اے پی پی) وزیراعظم عمران خان آکھیا جو میں اپنڑی کرسی بچاونڑ سانگے نی تبدیلی سانگے اقتدار اچ آیاں،اساڈی کوششاںنال ملک سدھے پاسے ٹرپئے،کمزور طبقے اتے علاقیاں کوں ترقی ڈیسوں،مہنگائی تے قابو کر تے ڈکھیساں،تبدیلی اوں ویلھے امسی جڈاں مافیا کوں ہریسوں،شریف ٹبر پیسہ چوری کر تے باہر چا گئے،اپوزیشن دی کوشش اے جو مک مکا نال کیتی گئی لٹ مار دے مقدمیاں توں کینویں بچسن،انہاں کوں کہیں صورت چھوڑڈتا یا ڈیل کیتی تاں ملک نال ایں توں ودھ غداری کائنا ہوسی،جہاز یا لندن دی ہوا ڈیکھدیں ہوئیں مریض یک دم ٹھیک تھی گئے ،ایجھا بلدیاتی نظام گھدی امدوں جئیں اچ فنڈز وستی دی سطح تے لوک خود خرچ کر سگسن،شہراں اچ ڈائریکٹ الیکشن نال ناظم بنڑسی۔اے گالھیں انہاں جمعے کوں زچہ بچہ سینٹر دی افتتاحی تقریب توں خطاب کریندیں ہوئیں آکھی۔ایں موقع تے انہاں آکھیا جو جیڑھے ہسپتال دا میں منڈھ بدھیے اے علاقے دی لوڑھ ہئی ۔پسماندہ علاقیاں دی عوام کوں ساریاں توں ودھ اوکھ بیماری دی صورت تھیندی اے،انہاں سانگے علاج معالجے دی سہولت نہ ہووے تاں مریضاں کوں راولپنڈی،لہور یا اسلام آباد دے وڈے شہراں اچ ونجنڑاں پمدے۔اتھاں دی عوام سانگے ڈاکٹر اتے ہسپتال کائنا ہن۔وزیراعظم نینگراں کوں آکھیا جو تساں میڈی ٹیم بنڑڑی اے اتے میں تساں کوں ڈاکواں دا مقابلہ کر تے ڈکھیساں۔انہاں آکھیا جو ملک کوں سدھے پاسے ٹور ڈتے،جینویں جینویں ملک اچ سرمایہ کاری تھیسی،دولت ودھسی ویسی اتے خوشحالی امسی اتے اساں کمزور اتے علاقیاں تے پیسہ خرچ کریسوں،میانوالی،ڈی جی خان اتے تونسہ جیہے پسماندہ علاقیاں تے وی پیسے خرچ کریسوں۔
