تہران ۔ 6 جنوری (اے پی پی) ایران اچ عراق دی عوامی رضاکار فورس دے جنرل قاسم سلیمانی تے انہاں دے ساتھیاں دی نماز جنازہ ادا کرڈتی گئی ۔ ایرانی خبررساں ادارے دے مطابق تہران یونیورسٹی اچ ایرانی سپریم لیڈر آیت اللہ علی خامنہ ای دی امامت اچ جنرل قاسم سلیمانی اتے انہاں دے ساتھیاں دی نماز جنازہ ادا کیتی گی ۔نماز جنازہ اچ ایرانی صدر ، پارلیمنٹ دے سپیکر، عدلیہ دے سربراہ ، علمائے کرام، ایران دے اعلی سیاسی تے عسکری حکام تے شخصیات اتے عوام دی وڈی تعداد شرکت کیتی۔۔قاسم سلیمانی دی نمازِ جنازہ دے موقع تے آیت اللہ علی خامنہ ای دے علاوہ مقتدیاں دی وڈی دیاں اکھیں اچ ہنجوں ہن۔ جنازے دے جلوس اچ شریک لوکاں قاسم سلیمانی دی تصویر چا رکھی ہئی تے او ’مرگ بر امریکہ‘ یا امریکہ مردہ باد دے نعرے لیندے پئے ہن۔تہران اچ نماز جنازہ دی ادائیگی دے بعد جنرل سلیمانی دی میت قم پجائی ویسی جیں دے بعد انہاں دے آبائی شہر کرمان اچ دفنایا ویسی ۔
