بھارتی حکومت دی سیاہ کاریاں دنیا تے بے نقاب تھندیاں پئن، او ڈینھ پرے کائنی جڈاں کشمیری اپنڑی آزادی دا سجھ نکلدا ڈیکھسن،ترک صدررجب طیب اردگان دے پاکستان دے دورہ نال ڈوہیں ملکاں دے ڈو پاسہ تعلقات ودھسن، معاون خصوصی ڈاکٹر فردوس عاش اعوان دی یکجہتی کشمیر تصویری نمائش ویلھے گالھ مہاڑ

اسلام آباد ۔ 7 فروری (اے پی پی) وزیر اعظم دی معاون خصوصی برائے اطلاعات و نشریات ڈاکٹر فردوس عاش اعوان آکھیا جوبھارتی حکومت دی سیاہ کاریاں دنیا تے بے نقاب تھندیاں پئن،بھارتی فوج مقبوضہ کشمیر کوں فوجی چھاﺅنی اچ بدل ڈتے،او ڈینھ پرے کائنی جڈاں کشمیری اپنڑی آزادی دا سجھ نکلدا ڈیکھسن،ترک صدررجب طیب اردگان دے پاکستان دے دورہ نال ڈوہیں ملکاں دے ڈو پاسہ تعلقات ودھسن۔وزیراعظم عمران خان پوری دنیا اچ کشمیر دے سفیر ہن،بھارت کشمیریاں نال کیتے گئے وعدے پورے کرے،کشمیریاں نال دل دا رشتہ اے،ترک وزیراعظم مظلوم کشمیریاں دا موقف دنیا دے سامنڑے پیش کریندے رہین،مودی ہنڑ حماقت کیتی تاں اوندی آخری غلطی ہوسی،کشمیری بارے تصویری نمائش اچ پاکستان دے 22کروڑ عوام دی جذبات دی عکاسی کیتی گئی اے۔اے گالھیں انہاں ڈائریکٹوریٹ آف الیکٹرانک میڈیا اینڈ پبلیکیشنز اتے نظریہ پاکستان کونسل ولوں ایوان قائد ایف نائن پارک اچ کشمیریاں نال اظہاریکجہتی دی مناسبت نال تصویری نمائش دے افتتاح دے موقع تے گالھ مہاڑکریندیں ہوئیں آکھی۔انہاں آکھیا جوبھارتی فوج مقبوضہ کشمیر کوں فوجی چھاﺅنی اچ بدل ڈتے،او ڈینھ پرے کائنی جڈاں کشمیری اپنڑی آزادی دا سجھ نکلدا ڈیکھسن۔