اسلام آباد ۔ 8 اپریل (اے پی پی) وفاقی وزیر مذہبی امور نورالحق قادری قوم توں اپیل کیتی اے جو شب برات کوں مناونڑ کیتے عبادات دے نال نال کرونا توں بچنڑ کیتے احتیاط وی ورتی ونجے،ذکرو اذکار اتے عبادات مسیت دی بجائے گھراں اچ کیتے ونجن۔وفاقی وزیر مذہبی امور نورالحق قادری آکھیے جو شب برات وڈی فضیلت اتے رحمتاں آلی رات اے، ایں بابرکت رات اچ کورونا توں بچاوکیتے اللہ تعالیٰ توں خصوصی دعائیں منگیاں ونجن اتے جائیں اورپورے عالم انسانیت توں ایں وبا کوں ٹالنڑ کیتے اللہ تبارک و تعالیٰ نال رجوع کیتا ونجے اتے عبادات سانگے وڈے اجتماعات دی بجائے اپنڑے اپنڑے گھراں اچ عبادت، ذکر و اذکارکیتا ونجے۔
