وفاقی حکومت رمضان شریف اچ عوام کوں سستیاں تے معیاری ضروری چیزاں کوں یقینی بنڑاونڑ کیتے 19 چیزاں تے سبسڈی کیتے ڈھائی ارب ریلیف پیکیج دا اعلان کر ڈتے ، وزیراعظم دی معاون خصوصی اطلاعات و نشریات ڈاکٹر فردوس عاشق اعوان دی ایم ڈی یوٹیلٹی سٹور کارپوریشن دے رلے میڈیا بریفنگ

اسلام آباد ۔ 9 اپریل (اے پی پی)وفاقی حکومت رمضان شریف اچ عوام کوں سستیاں تے معیاری ضروری چیزاں ڈیونڑ کیتے 19چیزاں تے سبسڈی کیتے ڈھائی ارب دے ریلیف پیکیج دا اعلان کیتے ‘ شنہیں دی طلب تے ضرورتاں تے پیکیج 7ارب تئیں ودھایا ویسی ، عیدالفطر دے بعد وی 5 چیزاں تے سبسڈی دا عمل جاری رہسی ‘ 4 ہزار توں ودھ یوٹیلٹی سٹورز تے اٹا ‘ گھیو‘ کھنڈ ‘ پتی‘دالاں‘ چاول سمیت 19چیزاں دیاں قیمتاں گھٹ کیتیاں گئن ‘ یوٹیلٹی سٹورز تے چیزاں دی دستیابی دی مانیٹرنگ کےتے ضلعی سطح تے مانیٹرنگ اتے ٹاسک فورس بنڑائی ویسی۔‘ رضاکار فورس راشن پجاونڑ تے کیش منتقلی اچ سہولت کاری کیتے قائدانہ کردار اداکریندی پئی اے ‘ وزیراعظم معاشی ریلیف پیکیج دے تحت یوٹیلٹی سٹورکارپوریشن کوں 10 ارب جاری کر ڈتے گئن ‘ اج جمعے توں پورے ملک اچ موبائل سٹور شروع کریندے پیوں ، وستیاں تے یونین کونسل دی سطح تے مزید 500یوٹیلیٹی سٹور کھولیے ویسن ، یوٹیلٹی سٹور وزیراعظم دے وژن دی تکمیل اچ ہراول دستے دا کردار ادا کریسن ‘ وزیراعظم دی پالیسی دا محور مرکز عوامی مشکلات دا تدارک کرنڑ اے ۔اے گال وزیراعظم دی معاون خصوصی اطلاعات و نشریات ڈاکٹر فردوس عاشق اعوان خمیس کوں ایم ڈی یوٹیلٹی سٹور کارپوریشن دے رلے میڈیا بریفنگ ڈیندے ہوئیں آکھی اے ۔ ڈاکٹر فردوس عاشق اعوان آکھیے جو وزیراعظم عمران خان دی قیادت اچ عوام دی مشکلات گھٹ کرنڑ کیتے ڈینھ رات کم کریندے پیوں اینویں ایں کورونا دے چیلنج اچ عوام کوں کلہا کائناں چھوڑیسوں ۔ انہاں آکھیے جو وزیراعظم عمران خان غربت دی تلویں سطح تے زندگی گزارنڑ آلے لوکاں کیتے کیس ایمرجنسی ٹرانسفر پروگرام دا باضابطہ آغاز کر ڈتے ‘ ایں مرحلے اچ 12ہزار روپے فی خاندان کوں ہدف بنڑیندے ہوئیں 144 ارب روپے عوام اچ ونڈیے ویسن ‘ وزیراعظم عمران خان جیرھا عہد کیتے جو کورونا دے متاثرین کوں ہر طرح نال ریلیف دے نال نال بنیادی ضروری قیمتاں گھٹ کرتے مستحقین تے نادار لوکاں کوں حکومت دے ہر ریلیف پروگرام دا حصہ بنڑایا ونجے ۔