اسلام آباد ۔ 13 اپریل (اے پی پی) چیئر مین نیشنل ڈیزاسٹر مینجمنٹ اتھارٹی (این ڈی ایم اے) لیفٹیننٹ جنرل محمد افضل آکھیا جو پاکستان اچ آونڑ آلیاں دی موثر چیکنگ دا نظام بنڑا گھدے،این 95ماسک دے علاوہ سارے حفاظتی سامان ملک اچ بنڑدا پئے، ڈینھ اچ 50ہزار توں ودھ ٹیسٹ کرنڑ دی صلاحیت تھی گئی اے۔اے گالھیں انہاں سنوار کوں عالمی ادارہ صحت ولوں پاکستان کوں طبی حفاظتی سامان ڈیونڑ دے موقع تے تقریب نال خطاب کریندیں ہوئیں آکھی۔ایں موقع تے ڈبلیو ایچ او دے نمائندے سامان این ڈی ایم دے حکام دے حوالے کیتا جئیں اچ 15 ٹیسٹنگ مشیناں اتے 15 ہزار کٹس شامل ہن۔ چیئرمین این ڈی ایم اے تقریب نال خطاب کریندیں ہوئیں آکھیا جو این 95ماسک دے علاوہ سارے حفاظتی سامان ملک اچ بنڑدا پئے۔
