اسلام آباد ۔ 12 مئی (اے پی پی) پاکستان کابل اچ ہک طبی مرکز تے غیر انسانی تے بزدلانہ دہشت گرد حملے تے صوبہ ننگرہار اچ جنازے تے خود کش حملے دی ودھ ساری مذمت کیتی اے جیں دے نتیجے اچ قیمتی جاناں دا ضیان تھئے ۔منگل کوں ترجمان دفتر خارجہ بزدلانہ اتے غیر انسانی دہشت گرد حملیں دی ودھ ساری مذمت کریندے ہوئیں آکھیے جو اے حملے رمضان دے مقدس مہینے تے خاص اوں ویلھے تھئن جڈاں افغانستان کوویڈ 19 دے وبائی امراض توں ڈو چار اے ۔پاکستان دہشت گرد حملیں اچ جاں بحق لوکاں دے اہل خانہ نال دلی ہمدردی دا اظہار کیتے تے زخمیاں دی وختی صحت کیتے دعا کیتی اے ۔ترجمان آکھیے جو پاکستان ہر قسم دی دہشت گردی دی مذمت کریندے ۔پاکستان پرامن اتے مستحکم افغانستان دی حمایت جاری رکھیسی ۔
