اسلام آباد ۔ 14مئی (اے پی پی) نیشنل کمانڈ اینڈ آپریشن سینٹر ڈسائے جو پچھلے چوی گھنٹے اچ ملک اچ 1452نویں کیسزسامنڑے آئن اتے نویاں 33اموات رپورٹ تھین۔ملک اچ ایں ویلھے ایکٹوکیسزدی تعداد 25 ہزار232، تصدیق شدہ کیسز دی تعداد35 ہزار788تئین پج گئی اے۔سندھ اچ سب توں ودھ 13ہزار561،پنجاب اچ 13ہزار 546، خیبر پختونخوا اچ 5ہزار252، اسلام آباد 822، بلوچستان 2239،گلگت بلتستان اچ482اتے آزاد کشمیر اچ کرونا کیسز دی تعداد 91 تھی گئی اے۔ہنڑ تئیں 9ہزار695 مریض مکمل صحتیاب تھین جڈاں جو فوت تھیونڑ آلیاں دی تعداد 770اے۔سندھ اچ 234، پنجاب 223، کے پی کے 275، گلگت بلتستان 4، اسلام آباد 6 ، بلوچستان 27 اتے آزاد کشمیر اچ کرونا دا پہلا مریض فوت تھئے۔کرونا دے 300مریضاں دی حالت تشویشناک اے۔
