اسلام آباد ۔ 14مئی (اے پی پی) نیشنل کمانڈ اینڈ آپریشن سینٹر(این سی او سی) دا رمضان المبارک دا مسلسل 20واں اجلاس تھئے جیندی صدارت وفاقی وزیر منصوبہ بندی ، ترقی ،اصلاحات و خصوصی اقدامات اسد عمرکیتی۔ اجلاس اچ صوبیاں ولوں اجتماعات ، مارکیٹاں اتے رش آلیاں جاہیں بارے تازہ ترین صورتحال ڈسائی گئی ۔وزیر داخلہ ڈسایا جو انہاں پورے ملک اچ مذہبی اتے بئے اجتماعات ، مساجد اتے مارکیٹاں بارے طے شدہ ایس او پیز اتے گائیڈ لائنز تے عمل درآمددیاں سخت ہدایات جاری کیتن،کرونا دے کھنڈنڑ دی صورتحال ڈیہدے ہوئے این سی او سی ہسپتالاں اچ موجودہ بیڈز ، وینٹیلیٹرز اتے بئے سہولیات دا تفصیلی جائزہ گھدے۔اسد عمر آکھیا جو کرونا بارے ڈیٹا تصدیق شدہ ہوونڑ چاہیدے،صوبے اتے انتظامیہ ایندے کیتے متحرک کردارادا کرن،صوبیاں ولوں ایس او پیز تے عملدرآمد کراونڑ چنگی گالھ اے ،ایندے نال لوکاں دی صحت یقینی بنڑائی ونج سگدی اے تاں جو او کرونا توں بچیے راہون۔
