اسلام آباد ۔ 14 مئی (اے پی پی) چیئرمین سینیٹ صادق سنجرانی کورونا وائرس کوں ہرا تے ولنڑ آلے سینیٹر مرزا آفریدی دا خیر مقدم کریندے آکھیے جو انہاں دے ایوان اچ ولنڑ تے خوشی اے اتے ایوان انہاں کوں خوش آمدید آہدے۔چیئرمین سینیٹ آکھیا جو سینیٹر فدا محمداتے سینیٹر مولانا عطاالرحمان ڈوہیں بیمار ہین، انہاں دا ٹیسٹ پازیٹو آئے،اتے او آئسولیشن اچ ہین، اللہ تعالیٰ انہاں کوں وی صحت ڈیوے۔انہاں ڈسایا جو سینٹر عابدہ عظیم دا کورونا ٹیسٹ ولا کیتا ویسی۔
