اسلام آباد ۔ 14 مئی (اے پی پی) وزیر اعظم عمران خان ہک ٹویٹ اچ آکھیے جو احساس ایمرجنسی کیش پروگرام دے تحت 82 لکھ لوکاں کوں ہنڑ تئیں 101 ارب روپے ونڈیے گین۔پروگرام دے تحت فیدہ چاونڑ آلیاں دی تعداد 82 لکھ 98 ہزار 671 ہے اتے جنہاں کوں 101 ارب 6 کروڑ 22 لکھ روپے ونڈیے گین۔پنجاب اچ ایں پروگرام دے تحت 35 لکھ59 ہزار 788لوکاں کوں 43 ارب 28 کروڑ14 لکھ روپے، سندھ اچ 25 لکھ 85 ہزار 982لوکاں کوں 31 ارب24 کروڑ 26 لکھ روپے، خیبر پختونخوا اچ 15لکھ 58 ہزار 532لوکاں کوں 19 ارب 21 کروڑ 36 لکھ روپے اتے بلوچستان اچ 3 لکھ 70 ہزار 940لوکاں کوں 4 ارب 64 کروڑ 46 لکھ روپے ونڈیجن۔ اسلام آباداچ 31 ہزار 377 لوکاں کوں 38 کروڑ 11 لکھ روپے، آزاد کشمیر اچ 1 لکھ 28 ہزار 289لوکاں کوں 1 ارب 60 کروڑ16 لکھ روپے اتے گلگت بلتستان اچ 54 ہزار 763لوکاں کوں 69 کروڑ 72 لکھ روپے ونڈیے گین۔وزیراعظم آکھیے جو احساس ایمرجنسی کیش پروگرام دے تحت اے امداد پاکستان اچ کووڈ۔19 توںا ٓونڑآلے معاشی بحران نال نبڑن کیتے مستحقین کوں ڈتی گئی اے۔
