،پٹرول و ڈیزل دیاں قیمتاں دا فیدہ عوام تئیں پچاونڑ دی ہدایت،سمگلنگ روکنڑ،ذخیرہ اندوزی تے قابو پاونڑ کیتے ہر پندرھواڑے رپورٹ ڈتی ونجے، وزیراعظم عمران خان
اسلام آباد ۔ 14 مئی (اے پی پی) وزیرِاعظم عمران خان دے زیر صدارت انسدادِ سمگلنگ اتے بنیادی اشیاءضروریہ دیاں قیمتاں دے جائزہ بارے اعلیٰ سطح اجلاس تھئے جیندے اچ وزیر صنعت محمد حماد اظہر، وزیرِ برائے نیشنل فوڈ سکیورٹی سیّد فخر امام، مشیر خزانہ ڈاکٹر عبدالحفیظ شیخ، مشیر تجارت عبدالرزاق داود، سیکرٹری داخلہ، سیکرٹری خزانہ، سیکرٹری فوڈ سکیورٹی، چیئرمین ایف بی آر شرکت کیتی۔ چارے صوبائی چیف سیکرٹریز، ہوم سیکرٹریز اتے آئی جیز وی ویڈیو لنک تے اجلاس اچ شریک تھین۔اجلاس اچ سمگلنگ روکنڑ کیتے اقدامات تے پیش رفت،قانون سازی،خاص کر کرنسی اتے اشیاءضروریہ دی سمگلنگ اچ ملوث عناصر نال نبڑن کیتے قانون تے الوایا گئے۔ چیئرمین ایف بی آراتے صوبائی چیف سیکرٹریز انسدادِ سمگلنگ آرڈیننس دے نفاذدے بعد اقدامات تے بریفنگ ڈتی۔وزیرِاعظم آکھیا جوسمگلنگ ملکی معیشت کیتے لعنت اے ،ہک تاں اے ملکی فوڈ سکیورٹی کوں خطرے اچ سٹیندی اے بیابنیادی اشیاءضروریہ دی قلت ڈے تے عوام کوں اوکھ اچ سٹیندی اے اتے ملکی صنعت کوں وی نقصان پجدے، سمگلنگ دے خلاف کارروائی اچ کوئی وتھی یا سمجھوتہ نہ کیتا ویسی،سارے متعلقہ ادارے سمگلنگ روکنڑ اتے سمگلنگ اچ ملوث عناصر دے خلاف کارروائی دی رپورٹ ہر 15 ڈینھ بعد ڈیون۔ صوبائی چیف سیکرٹریز وزیراعظم کوں کنڑک دی پدیاوار،کٹائی اتے مجموعی صورتحال بارے ڈسایا اتے شئیں دا ملھ گھٹاونڑ کیتے اقدامات یوٹیلٹی سٹوراں تے عوام کوں قیمتاں اچ سوکھ بارے وی بریفنگ ڈتی۔وزیراعظم ہدایت کیتی جو لوکاں کوں بنیادی اشیاءضروریہ اچ قیمتاں گھٹ کرنڑ کیتے پٹرول اتے ڈیزل دا ملھ گھٹنڑ دا فیدہ پچاون اتے متعلقہ صوبائی حکام متحرک کردار ادا کرن۔
