اسلام آباد ۔ 14 مئی (اے پی پی) وزیراعظم عمران خان نال پاکستان تحریک انصاف دے کراچی توں تعلق رکھنڑآلے رکن قومی اسمبلی محمد نجیب ہارون اسلام آباد اچ ملاقات کیتی۔ ملاقات اچ پاکستان تحریک انصاف دے قومی اسمبلی اچ چیف وہپ ملک محمد عامر ڈوگر وی موجود ہن ۔ وزیراعظم آفس میڈیا ونگ توں جاری بیان دے مطابق ملاقات اچ کراچی دے عوام کوں پیش آندے مسلے تے انہاں دے حل دے امور تے گال مہاڑ کیتی گئی ۔ رکن قومی اسمبلی نجیب ہارون آکھیے جو کراچی پاکستان تحریک انصاف کوں ودھ سارا مینڈیٹ ڈتے لہذا کراچی خاص توجہ دامستحق اے، کراچی دے مسلیں دے حل تے ترقی دی غرض نال جیویں ودھ ساری دلچسپی وزیراعظم گھندے پئن او قابل تعریف اے۔ملک اچ کورونا وائرس دی وبا نال نبڑنڑ کتیے وختی اقدامات تے موثر فیصلہ سازی تے مممبر قومی اسمبلی محمد نجیب ہارون وزیر اعظم کوں خراج تحسین پیش کیتا ۔انہاں ٹرانسپورٹ دی بندش پاروں مزدور اتے غریب طبقے کوں پیش آندی مشکلات دا ذکر کریندے ہوئیں وزیر اعظم کوں ایں ضمن اچ ٹرانسپورٹ دی بندش دے فیصلے تے نظر ثانی دی درخواست وی کیتی۔
