معاون خصوصی صحت ڈاکٹر ظفر مرزا دی کورونا وائرس دے پورے ملک اچ متاثرین دے اعداد و شمار ، مصدقہ کیسز، جغرافیائی طور تے کھنڈنڑ ، ٹیسٹنگ دی تعداد اتے کیس اچ ودھارے دے دے حوالے نال تفصیلی بریفنگ
اسلام آباد ۔ 14 مئی (اے پی پی) وزیراعظم عمران خان آکیے جو موجودہ غیر معمولی صورت حال اچ لاک ڈاﺅن توں ودھ بھک تے افلاس خطر ناک اے ، لاک ڈاﺅن کورونا دا علاج کائنی عارضی اقدام اے، جڈاں تئیں معیشت بحال نی تھی ویندی ، غریب اتے نادار طبقے دی مشکلات ودھ ویسن ، کورونا روکنڑ تے حفاظتی تدابیر دے حوالے نال قواعد و ضوابط تے عملدرآمد کرنڑاں ہویس ، احتیاطی تدابیر متعلق عوام اچ شعور اجاگر کیتا ونجنڑاں چاہیداے ، پولیس عوام تے سختی دی بجائے دوستانہ رویہ اختیار کرے، لاک ڈاﺅن دے حوالے نال حکومتی پالیسی بالکل واضح اے، عوام دی زندگی کوں غیر ضروری کظرے اچ پاتے بغیر ہر ایں شعبے کوں سہولت ڈتی ویسی جیں نال عوام تے خاص طور تے غریب تے سفید پوش لوکاں دا کاروبار وابستہ اے ۔اے گال انہاں کوویڈ 19 دی صورتحال دے حوالے نال اعلیٰ سطحی اجلاس دی صدارت کریندے ہوئیں آکھی اے ۔اجلاس اچ وفاقی وزراءاسد عمر، حماد اظہر، سینٹرشبلی فراز، مخدوم خسرو بختیار، سید فخر امام، مشیران ڈاکٹر عبدا لحفیظ شیخ، عبدالرزاق داود، معاون خصوصی لیفٹیننٹ جنرل (ر) عاصم سلیم باجوہ، ڈاکٹر ظفر مرزا، ڈاکٹر معید یوسف، چیئرمین این ڈی ایم اے، وزیر اعظم دے فوکل پرسن برائے کوویڈ 19 ڈاکٹر فیصل تے بئے سینئر افسراں شرکت کیتی ۔ اجلاس اچ وزیر اعلی پنجاب سردار عثمان بزدار اتے وزیر اعلی خیبر پختونخوا محمود خان وی ویڈیو لنک دے ذریعے شرکت کیتی۔ اجلاس اچ معاون خصوصی صحت ڈاکٹر ظفر مرزا کورونا وائرس دے ملک اچ متاثرین دے اعداد و شمار ، مصدقہ کیسز، جغرافیائی پھیلاو، ٹیسٹنگ دی تعداد اتے کیساں اچ ودھارے دے تناسب دے حوالے نال تفصیلی بریفنگ ڈتی ۔ اجلاس اچ مستقبل دے اعدادو شمار اتے بدلدی صورتحال دے مطابق ہسپتالاں اچ بستریں دی دستیابی، طبی آلات دی فراہمی اتے پیشہ ور عملے دی موجودگی یقینی بنڑاونڑ دے حوالے نال امور تے گال مہاڑ کیتی گئی ۔صحت دیاں سہولتان تے ہسپتالاں دی استعداد اچ ودھارے دے حوالے نال اقدامات دا جائزہ گھدا گیا ۔ایں موقع تے وزیراعظم عمران خان کورونا وائرس دی وجہ توں لاک ڈاون اتے ایندے نتیجے اچ عام آدمی دے روزانہ دی زندگی تے پوونڑ آلے منفی اثرات تے گال مہاڑ کریندے ہوئیں آکھیے جو ایں غیر معمولی صوعرت حال اچ اساکوں بھک تے وبا کوں روکنڑ دے حوالے نال حفاظتی اقدامات اچ توازن برقرار رکھنڑاں اے ۔ وزیر اعظم آکھیے جو اساڈی آبادی کوں جیویں خطرہ لاک ڈاﺅن توں اے ایندے توں ودھ کتھائیں بھک تے افلاس اے انہاں آکھیے جو لاک ڈاون کورونا دا علاج کائنی عارضی اقدام اے ۔
