اسلام آباد ۔ 18 مئی (اے پی پی) وفاقی وزیراطلاعات و نشریات سینیٹر شبلی فراز آکھیے جو پا کستان تحریک انصاف دی حکومت آزادی اظہار رائے دے بنیادی حق تے کامل یقین رکھیندی اے ۔ صحافیاں اتے میڈیا ورکرز دے مسئلیں دا حل اساڈی اولین ترجیح اے۔ واجبات دی ادائیگی کوں صحافیاں تے میڈیا ورکرز دیاں تنخواہیں نال جوڑیا ویسی ۔اے گال انہاں کونسل آف پاکستان نیوز پیپرز ایڈیٹرز دے عہدیداراں نال ویڈیو کانفرنس دے ذریعے ملاقات اچ آکھی اے۔ ملاقات اچ سیکرٹری اطلاعات و نشریات اکبر درانی اتے پرنسپل انفارمشن آفیسر شاہیرہ شاہد وی شریک ہن ۔سی پی این ای دے وفد وزیر اطلاعات کوں میڈیا صنعت نال جڑیے مسلیں بارے ڈسایا ۔انہاں آکھیے جو پاکستان تحریک انصاف دی حکومت آزادی اظہار رائے دے بنیادی حق تے کامل یقین رکھیندی اے ۔ صحافیاں اتے میڈیا ورکرز دے مسلیں دا حل اساڈی پہلی ترجیح اے ۔انہاں آکھیے جو میڈیا ہاﺅسز دے واجبات دی ادائیگی دا اج توں آغاز کریندے پیوں جیں نال ریلیف ملنڑ شروع تھی ویسی ۔ سینیٹر شبلی فرازآکھیے جو واجبات دی ادائیگی کوں صحافیاں اتے میڈیا ورکرز دیاں تنخواہیں نال جوڑیا ویسی ۔ایجھا میکنزم بنڑاونڑ ویندے پیوں جیں نال اگوں ایجھے مسئلے نہ تھیون تے واجبات نال نال ادا تھیندے ونجن ۔ اخبارات دا ریجنل کوٹہ ضروری اے ،نامور صحافی چھوٹے اخباراں توں ابھر تے سامنڑے آئے ۔ وزیر اطلاعات آکھیے جو نیوز ایجنسیاں دے مسئلے وی حل کریسوں ۔ عید دے بعد ملاقات دا ڈوجھا سیشن ہو سی، اتفاق دے نال معاملات اگوں تے وھدھیسوں ۔ اے بی سی دے معاملات اچ شفافیت کوں یقینی بنڑایا ویسی ۔ ویڈیو کانفرنس اچ عارف نظامی صدر سی پی این ای، ڈاکٹر جبار خٹک سیکرٹری جنرل، عارف بلوچ، تنویر شوکت، ایس کے نیازی، شاہد عارف، ایاز خان،کاظم خان، انور ساجد، عبدالرحمن، طاہر فاروقی، عامر محمود، حید ر امین، شکیل احمد ترابی، ڈاکٹر اعجاز الحق، جنرل ڈاکٹر حافط ثناءاللہ، غلام نبی چانڈیو اتے بئیں شرکت کیتی ۔
