بھارت 80 لکھ کشمیریاں کوں گھراں اچ ڈھکنڑ ،قابض فوج دے ہتھوں انسانی حقوق دیاں سنگین خلاف ورزیاں لکاونڑ کیتے کشمیر دے مواسلاتی رابطے کٹین،کشمیری نینگراں کوں شہید کرنڑ،ظلم دیاں کارروائیاں اتے کشمیری حریت رہنماواں دی قیدسودھا 5 اگست 2019ءدا بھارتی اقدامات انسانیت دے خلاف ہک وڈا جرم ہین، وزیراعظم عمران خان دا یوم استحصال تے سنیہا

اسلام آباد ۔ 5 اگست (اے پی پی) وزیراعظم عمران خان کشمیریاں نال اظہار یکجہتی کریندے ہوئے بھارت ولوںغیر قانونی مقبوضہ جموں و کشمیردی آئینی حیثیت مکاونڑاتے فوجی محاصرے کوں عالمی قوانین اتے انسانیت دے خالف وڈا جرم قرار دتے اتے آکھیے جو بھارت 80 لکھ کشمیریاں کوں گھراں اچ ڈھکنڑ اتے قابض فوج دے ہتھوں مقبوضہ جموں اتے کشمیر اچ انسانی حقوق دیاں سنگین خلاف ورزیاں لکاونڑ کیتے کشمیر دے مواصلاتی رابطے جگ توں کٹین،کشمیری نینگراں کوں شہید کرنڑ،ظلم دیاں کارروائیاں اتے کشمیری حریت رہنماواں دی قیدسودھا 5 اگست 2019ءدا بھارتی اقدامات انسانیت دے خلاف ہک وڈا جرم ہین۔وزیراعظم آکھیے جو بھارت دے غیر انسانی فوجی محاصرے اتے مواصلاتی پابندیاں مقبوضہ جموں و کشمیردے لوکاں دا جیونڑاتے روزگار تباہ کرڈتے،انہاں دی سنجانڑخطرے اچ پا ڈتی اے،بھارت دی انتہاءپسند اتے توسیع پسندانہ سوچ رکھنڑ آلی بی جے پی آر ایس ایس دی نمائندہ بھارتی حکومت ہندتوا ایجنڈے کوں اگو تے ودھیندی پئی اے،بھارتی حکومت خطے اچ آبادی داتناسب وٹاونڑ اتے مسلمان اکثریت کوں اقلیت اچ بدلنڑ دی کوشش اچ اے جیڑھااقوام متحدہ دی سلامتی کونسل، بین الاقوامی قوانین اتے چوتھے جنیوا کنونشن دی کھلی خلاف ورزی اے جڈاں جو کشمیریاں بھارت دے غیر قانونی اقدام کوں سرون مسترد کر ڈتے،ایں سانگے پاکستان، ارکان پارلیمنٹ، صحافیاں، انسانی حقوق دے کارکناں، انسانی حقوق دی بین الاقوامی تنظیماں اتے بین الاقوامی برادری دے ارکان وی مقبوضہ جموں و کشمیر اچ انسانی حقوق دی مسلسل سنگین خلاف ورزیاں تے آواز چاتی اے، بھارت جگ اچ ہک جارح اتے جابر ملک دے طورتے بے نقاب تھی گئے،ایندے نام نہاد سیکولر اتے جمہوری دعوے وی بے نقاب تھین،مقبوضہ جموں و کشمیر دے محاصرے دے شکار عوام اتے انصاف و انسانی وقارکیتے ضروری اے جو عالمی برادری ایں مسلے تے تیکھے مداخلت کرے اتے مذمتاں توں ہٹ تے عملی اقدامات کرے تاں جو بھارت کشمیری عوام دے خلاف موجودہ ظالمانہ کارروائیاں بند کرڈیوے۔انہاں آکھیے جو پاکستان کشمیریاں دے نال اقوام متحدہ دی متعلقہ قرارداداں دے مطابق ہک آزادانہ اتے غیر جانبدارانہ رائے شماری نال اپنڑے حق خودارادایت ملنڑ تئیں نال کھڑا راہسی۔