اسلام آباد ۔ 5 اگست (اے پی پی) صدر مملکت ڈاکٹر عارف علوی آکھیے جو کشمیریاں اتے بھارت اچ مسلماناں داصبرولدا ڈے گئے،ہنڑ کشمیر کوں آزاد کیتے بغیر کوئی راہ کائنی،پورا جگ اچ بھارتی اقدامات دی مذمت کریندے ہوئے کشمیریاں دے حق اچ الیندا پئے۔ اے گالھ انہاں اسلام آباد اچ یوم استحصال ریلی نال خطاب اچ آکھی۔ انہاں آکھیا جو جگ اچ بھارت دے 5 اگست 2019ءدے یکطرفہ غیر قانونی اقدامات، کشمیریاں تے بھارتی ظلم و بربریت، استحصال اتے انسانی حقوق دی سنگین خلاف ورزیاں دے خلاف آوازچاتی ویندی پئی اے،بھارت وڈے عرصے توں معصوم کشمیریاں دے خلاف مظالم اتے استحصال دے باوجود نہاں دے حق اچ حق خود ارادیت دے غیر متزلزل عزم کوں دباونڑ اچ ناکام رہے،کشمیریاں دی جدوجہد آزادی منطقی انجام کوں پجسی،او ویلھا آگئے جڈاں کشمیری آزادی دا سجھ ڈیکھسن ،عالمی برادری اتے او آئی سی کوں مقبوضہ کشمیر اچ بھارتی مظالم رکواونڑ، آزادی صحافت یقینی بنڑاونڑ اتے انٹرنیٹ پابندیاں مکاونڑ کیتے کردارادا کرنڑا ہوسی،ساریاں سیاسی جماعتاں اتے قوم مسئلہ کشمیر تے متحد اے۔
