اسلام آباد۔ 8 اگست (اے پی پی)، وزیر خارجہ شاہ محمود قریشی دی آسیان دے قیام دے 53 سال پورے تھیونڑ تے پاکستانی حکومت اتے عوام ولوں تنظیم دے رکن ملکاں کوں مبا رکبادڈیندیں ہوئیں آکھیا جو پاکستان آسیان ملکاں نال سانجھے داری کوں اُچائی تے گھن ونجنڑ سانگے پرعزم اے۔پاکستان اپنڑی ”ویژن ایسٹ ایشیاء“ پالیسی دے تحت آسیان اتے اوندے رکن ملکاں نال سیاسی،معاشی اتے ثقافتی تعلقات کوں بئیا ودھیندا اتے مستحکم کریندا رہسی۔ آسیان دی 53 ویں سالگرہ دے موقع تے اپنڑے ویڈیو سنیھے اچ وزیرخارجہ آکھیا جو 8اگست1967ء دا او تاریخی ڈینھ اے جڈاں پنج جنوب،مشرقی ایشیائی ملکاں تعاون،اتحاد، دے اصولاں تے سانجھا پلیٹ فارم بنڑایا ہئی۔انہاں آکھیا جو پاکستان آسیان ملکاں نال سانجھے داری کوں اُچائی تے گھن ونجنڑ سانگے پرعزم اے۔
