اسلام آباد۔ 8 اگست (اے پی پی) وزیراعظم عمران خان آکھیا جو اج اتوار توں اساڈی تاریخ دی ساریاں توں وڈی شجرکاری مہم شروع تھیندی پئی اے،ہر شہری ایں وچ حصہ گھنے۔وزیراعظم عمران خان اتوار کوں سویلے نو وجے شجرکاری مہم دا منڈھ بدھیسن۔ہفتہ کوں سوشل میڈیا تے جاری اپنڑے سنیھے اچ وزیراعظم آکھیا جو انہاں ارکان اسمبلی،وزراء،وزرائے اعلیٰ اتے ٹائیگر فورس کوں ایں مہم اچ رلنڑ بارے آکھیے۔انہاں آکھیا جو ہک ڈینھ اچ 35لکھ پودے لاونڑ دا ہدف اے اتے کوشش کریسوں جو ودھ توں ودھ ونڑ لاسگوں۔
