اسلام آباد ۔ 9 اگست (اے پی پی) وفاقی وزیراقتصادی امورمخدوم خسروبختیار پاکستانی نژاد برطانوی بزنس مین اتے سماجی کارکن عامراے سرفرازکوں برطانوی پارلیمینٹ دے ایوان بالاءہاوس آف لارڈز دا تاحیات رکن مقررکرنڑ تے انہاں کوں مبارخ ڈتی ۔اتوار کوں جاری بیان وچ وفاقی وزیر آکھیے جو عامراے سرفرازکوں برطانوی پارلیمینٹ دے ایوان بالاءہاوس آف لارڈز دا تاحیات رکن مقررکرنڑ نال پاکستان اتے برطانیہ دے درمیان سفارتی ، معاشی اتے تجارتی تعلقات کوں مزید ودھاونڑ اچ مدد مل ویسی ۔ایندے توں پہلے ملکہ برطانیہ ایلزبتھ وزیراعظم بورس جانسن دی تجویزتے عامراے سرفرازکوں ہاوس آف لارڈز دا رکن مقررکرڈتا ہئی ۔
