اسلام آباد ۔ 10 اگست (اے پی پی) وفاقی وزیر انفارمیشن ٹیکنالوجی تے ٹیلی کمیونیکیشن سید امین الحق آکھیا جو پورے ملک توں 12لکھ80ہزار نینگراں کوں آئی ٹی دے مختلف شعبیاں اچ تربیت ڈتی گئی اے جئیں دے بعد نینگر پوری دنیا اچ انٹرنیٹ فری لانسنگ کریندیں ہوئیں چنگا معاوضہ کمیندے پئن۔انہاں اے گالھ سنوار کوں وزارت آئی ٹی دے ماتحت ادارے اگنائیٹ دے اجلاس نال خطاب کریندیں ہوئیں آکھی جئیں اچ فری لانسنگ دے شعبے اچ چنگا معاوضہ کرنڑ آلے نینگر شریک تھیے۔جلاس اچ سیکریٹری آئی ٹی شعیب احمد صدیقی اتے بئے حکام وی موجود ہن۔ایں موقع تے وفاقی وزیر سید امین الحق ’ اگنائیٹ دی کارکردگی تے خراج تحسین پیش کریندیں ہوئیں آکھیا جو وزیراعظم دے ڈیجیٹل پاکستان وژن سانگے اہم اتے بنیادی کردار وزارت آئی ٹی دا اے اتے ایں وچ اگنائیٹ پورا حصہ پیندی پئی اے۔اجلاس اچ سیکریٹری آئی ٹی شعیب صدیقی ڈسیا جو اسٹیٹ بینک وزارت آئی ٹی دی درخواست تے ساری کمرشل بینکاں کوں ہدایت ڈتی اے جو او فری لانسرز دے اکاﺅنٹ کھولن۔
