اسلام آباد ۔ 11 اگست (اے پی پی) نیشنل کمانڈ اینڈ آپریشن سنیٹر(این سی او سی) موجب گزریل 24گھنٹے وچ کو ویڈ ۔ 19دے 531 مریضاں دے ٹیسٹ مثبت آئن جڈاں جو15 لوک جاں بحق تھی گئن جیں اچوں 12 بندے ہسپتالاں اچ جاں بحق اتے 3 بندے گھر اچ قرنطینہ دے دوران آپنڑی جان دی بازی ہر گئن ۔گزریل 24گھنٹے وچ 18 ہزار 227 کو ویڈ ۔ 19دے ٹیسٹ کیتے گئن جیں اچوں سندھ اچ 8 ہزار 397، پنجاب اچ 5 ہزار 180، خیبرپختونخوا اچ 1 ہزار 597، اسلام آباد اچ 2ہزار 436، بلوچستان اچ 355،گلگت بلتستان اچ 114،آزاد کشمیر اچ 148 ٹیسٹ کیتے گئن ۔ہنڑ تئیں پورے ملک اچ کرونا توں صحت مند تھیونڑ آلیں دی تعداد 2 لکھ 61 ہزار 246 تھی گئی اے ۔ ملک اچ کورونا کیتے مختص شدہ 1 ہزار 859 وینٹیلیٹرز تے 146 کورونا دے مریض ہن۔ایں ویلھے ملک اچ کورونا دے ایکٹو کیسز دی تعداد 17 ہزار 833 اے۔
