پاکستان دے معاشی اشاریے اچ مثبت رجحان بحال تھی گئے ،ملک اچ نوول کوروناوائرس دی وبا اجاں وی ہے پئی ،چین کورونا وائرس تے قابو پاونڑ سانگے پاکستان نال تھیے،وبا دے پاکستان دی معیشت تے پوونڑ آلے منفی اثرات تے قابو پا گھدا گئے،وفاقی وزیر منصوبہ بندی، ترقی ، اصلاحات تے خصوصی اقدامات اسد عمر دا انٹرویو

اسلام آباد ۔ 13اگست (اے پی پی) وفاقی وزیر منصوبہ بندی، ترقی ، اصلاحات تے خصوصی اقدامات اسد عمر آکھیا جو پاکستان دے معاشی اشاریے اچ مثبت رجحان بحال تھی گئے ،ملک اچ نوول کوروناوائرس دی وبا اجاں وی ہے پئی ،چین کورونا وائرس تے قابو پاونڑ سانگے پاکستان نال تھیے،وبا دے پاکستان دی معیشت تے پوونڑ آلے منفی اثرات تے قابو پا گھدا گئے ،چین اتے بل اینڈ میلنڈا گیٹس فاونڈیشن ولوں پاکستان کوں کوروناوائرس دی ویکسین ڈتی ویسی،چین ولوں کشمیر دے مسئلے تے پاکستان موقف دی حمایت تعریف دے قابل اے۔اے گالھیں انہاں ہک خصوصی انٹرویو اچ آکھی۔وفاقی وزیر آکھیا جو لاک ڈاﺅن ختم کرنڑ دا حکم جاری کریندیں ہوئیں وی حکومت ولوں نشابر کیتا گئیا ہئی جو کوروناوائرس کھڈنڑ اچ گھٹکی تھئی اے جڈانجواے وبا اجاں وی پاکستان اچ ہے پئی ۔انہاں آکھیا جو جگ دے بہوں ملکاں اچ کوروناوائرس مکنڑ دے بعد ایں وبا دی ڈوجھی لہر آئی اے۔انہاں آکھیا جو کوروناوائرس دی ویکسین عام تھیونڑ تئیں احتیاط کرنڑ بہوں ضروری اے ۔وفاقی وزیر منصوبہ بندی اسد عمر آکھیا جو روس ولوں ویکیسین بنڑاونڑ دے اعلان دے بعد مشورہ تھیندا پئے ،انہاں آکھیا جو حکومت دی کوشش اے جو کورونادی ویکسین پاکستان اچ جلدی دستیابی ممکن بنڑائی ونجے۔انہاں آکھیا جو گیٹس فاﺅنڈیشن ولوں گاوی یعنی گلوبل الائنس فار ویکسینیشن نامی اقدام کیتا گئے ،جئیں تے پاکستان وی دستخط کر ڈتن۔ایںمعاہدے دے تحت دستخط کرنڑ آلے ملکاں کوں ویکیسن دی طلب دا 20فیصد گاوی ولوں ڈتا ویسی۔انہاں آکھیا جو پاکستان اتے چین دے تعلقات خصوصی اہمیت رکھیندن۔انہاں آکھیا جو پاکستان دے معاشی اشاریے اچ مثبت رجحان بحال تھی گئے ،ملک اچ نوول کوروناوائرس دی وبا اجاں وی ہے پئی ،چین کورونا وائرس تے قابو پاونڑ سانگے پاکستان نال تھیے،وبا دے پاکستان دی معیشت تے پوونڑ آلے منفی اثرات تے قابو پا گھدا گئے ،چین اتے بل اینڈ میلنڈا گیٹس فاونڈیشن ولوں پاکستان کوں کوروناوائرس دی ویکسین ڈتی ویسی،چین ولوں کشمیر دے مسئلے تے پاکستان موقف دی حمایت تعریف دے قابل اے۔