آزادی ہک وڈی نعمت اے ،آزادی دی قدر بھارتی مقبوضہ جموں تے کشمیر دے عوام توں پچھو جیرھے مسلسل بھارتی قابض فوج دے ظلم تے غیر انسانی رویں دا نشانہ بنڑدے پئن، وفاقی وزیر اطلاعات و نشریات سینیٹر شبلی فراز دا یوم آزادی دے حوالے نا ل تصویری نمائش دی افتتاحی تقریب توں خطاب

اسلام آباد ۔ 13 اگست (اے پی پی) وفاقی وزیر اطلاعات و نشریات سینیٹر شبلی فراز آکھیے جو آزادی ہک وڈی نعمت اے ،آزادی دی قدر بھارتی مقبوضہ جموں تے کشمیر دے عوام توں پچھو جیرھے مسلسل بھارتی قابض فوج دے ظلم تے غیر انسانی رویں دا نشانہ بنڑدے پئن، قائد اعظم جیں خواب دی تعبیر کوں حقیقیت اچ بدلیا ایندی سچائی اج پوری طرح عیاں اے جو مودی سرکاری کیویں بھارتی دے اندر رہنڑ آلیاں اقلیتاں بالخصوص مسلماناں نال ظلم کریندے پئن ، تے کشمیر دی وادی کوں 5اگست 2019دے بعد عملاًجیل اچ بدال ڈتا گئے ، پاکستان دے 74ویں یوم آزادی دے موقع تے قائد اعظم محمد علی جناح دی زندگی ، تحریک پاکستان اتے قرارد داد پاکستان دے حوالے نال ڈائریکٹوریٹ آف الیکٹرانک میڈیا اینڈ پبلی کیشن دے زیر اہتمام نایاب تصاویر دی نمائش اچ شرکت باعث مسرت اے پوری قوم کوں آزادی دی مبارخ ڈینداں ، پاکستان دا قیام اساں تے اساڈے بزرگاں دا احساس تے تے اساڈا فرض اے جو اساں ہک مضبوط تے خوشحال پاکستان آپنڑیاں آندیاں نسلاں کیتے چھوڑ ونجوں ، تے ملک کوں کرپشن تے بدعنوانی توں پاک کروں ، مادر وطن کوں مثالی اسلامی فلاحی ریاست مدینہ بنڑاونڑ کیتے اساں ساریں کوں کردار ادا کرنڑاں اے۔ اے گال انہاں خمیس کون وزارت اطلاعات و نشریات دے ذیلی ادارے ڈائریکٹوریٹ آف الیکٹرانک میڈیا پبلی کیشن (ڈیمپ) دے زیر اہتمام یوم آزادی دی مناسبت نال ترائے ڈینھ دی تصویری نمائش دی افتتاحی تقریب نال خطاب کریندے ہوئیں آکھی اے ۔ وفاقی وزیر آکھیے جو ہر سال وانگوں اجوکے سال وی وزارت اطلاعات و نشریات پاکستان دے عوام اچ 1974دے جذبہ آزادی دے احیا کیتے ایں نمائش دا انعقاد کیتا جیرھا جو عظیم رہنما دے اصولاں تے اعلیٰ تصورات دی پیروی دی یاد دہانی کرویندی اے ۔ سینیٹر شبلی فراز آکھیے جو آزادی دے حوالے نال منعقدہ اے تصویری نمائش قائد اعظم محمد علی جناں دی فعال قیادت اچ دنیا دے نقشے تے ہک نویں اسلامی ریاست دے قیام کیتے بر صغیر دے مسلماناں دی طویل جدوجہد تے لازوال قربانیاں دی یاد ڈویندی اے ۔نمائش دا ہک بنیادی مقصد اے وی ہے جو یوم آزادی تے قرارداد پاکستان دے حوالے نال نویں نسل کوں اے احساس ڈیوایا ونج سگدے جو پاسکتان کیوں اساں کیتے ضروری ہئی تے اج مسئلیں دے باوجود کتنی وڈی نعمت اے ایندے تحفظ ، ترقی و خوشحالی کیتے ہر کہیں کوں اپنڑاں کردار نبھاونڑاں چاہیدے ۔انہاں آکھیے جو14 اگست دی تاریخ ہمیشہ اساکوں یاد رہسی جو برصغیر دے مسلماناں بے شمار مشکلات دے باوجود قائد اعظم محمد علی جنا ح دی قیادت اچ اپنڑی قومی اتے مذہبی شناخت دے حصول اچ کامیابی حاصل کیتی۔ قائد اعظم محمد علی جناح 15 اگست 1947 کوں پاکستان براڈ کاسٹنگ سروس دے افتتاح دے موقع تے قوم دے ناں آپ دے سنھیے وچ فرمایا ہئی جو ” قیام پاکستان ایں ملک دے شہریاں تے ہک باری ذمے واری عائد کیتی اے تے آزادی ایں قوم کوں اے موقع ڈتے جو دنیا کوں ڈکھا سگے جو کیویں ہک کثیر العناصر قوم ذات پات اتے عقائد توں بالاتر تھی کراہیں امن اتے ہم آہنگی دے ذریعے اپنڑے سارے ہم وطناں دی بھلائی کیتے کم کرسگدی اے ۔