قوم ترقی دی راہ تے ٹر پئی اے،ملک کیتے چنگیاں خبراں ہین جیڑھی اپوزیشن کیتے بری خبر اے،ملک اوکھے ویلھے توں نکل آئے، کوشش اے جو اج کل توں چنگا اتے آونڑ آلا کل اج توں وی بہوں چنگاں ہووے،وفاقی وزیر اطلاعات و نشریات سینیٹر شبلی فراز دا وفاقی وزراء، معاونین خصوصی دے کٹھے حکومت دی ڈو سالہ کارکردگی بارے پریس کانفرنس نال خطاب

اسلام آباد ۔ 19 اگست (اے پی پی) وفاقی وزیر اطلاعات و نشریات سینیٹر شبلی فراز آکھیے جو ففتھ جنریشن وار دا ہدف ملک اچ افراتفری اتے ناامیدی کھنڈاونڑ اے بھل ملکی معیشت بحال تھیندی پئی اے،قوم ترقی دی راہ تے ٹر پئی اے،ملک کیتے چنگیاں خبراں ہین جیڑھی اپوزیشن کیتے بری خبر اے،ملک اوکھے ویلھے توں نکل آئے، کوشش اے جو اج کل توں چنگا اتے آونڑ آلا کل اج توں وی بہوں چنگاں ہووے۔اے گالھ انہاں اسلام آباد اچ وفاقی وزیر مواصلات مراد سعید، وفاقی وزیر سائنس اینڈ ٹیکنالوجی فواد چوہدری، وفاقی وزیر انسانی حقوق شیریں مزاری، وفاقی وزیر بین الصوبائی رابطہ فہمیدہ مرزا، وزیراعظم دے معاون خصوصی برائے پٹرولیم ندیم بابراتے وزیراعظم دے معاون خصوصی برائے بجلی شہزاد قاسم رلے حکومت دی ڈو سالہ کارکردگی بارے پریس کانفرنس نال خطاب اچ آکھی۔انہاں آکھیے جو حکومت اپنڑی ڈو سالہ کارکردگی عوام دے اگو رکھ ڈتی اے اتے اپنڑا جمہوری فرض نبھائے،عوام ساڈے نال ہین اتے اساں رل تے ہر سازش ناکام بنڑیسوں،وزیراعظم ولا چتائے جو او قانون دی قانون دی حکمرانی یقینی بنڑیسن اتے مافیاز کون نہ بخشیسن،خوشحالی دا دور شروع تھی گئے،جیندے چنگے نتیجے نکلدے پین،اساں ماجی دے وگاڑ کوں ٹھیک کرنڑ دی کوشش اچ ہیں، وزیراعظم کارکردگی تے کوئی سمجھوتی نئیں کریندے،بجلی دے نظام کون درست کرنڑ سودھا پرانڑے معاہدےاں تے وی ںذر ثانی کیتی ویسی،کنڑک مافیا ہووے یا کھنڈ مافیا اپنڑی قیادت دے عزم نال انہاں دا مقابلہ کریسوں۔