وزیرِ اعظم عمران خان دی زیر صدارت فیڈرل بورڈ آف ریونیو اچ جاری اصلاحات کیتے جائزہ اجلاس،ٹیکس کلچر دے ودھارے،کاروباری برادری اتے صارفین کوںسوکھ،ٹیکس ریفنڈسودھا بدعنوانی مکاونڑ حکومت دی ترجیح اے،ایف بی آر اچ اصلاحات تے کوئی سمجھوتہ نہ کیتا ویسی ،وزیر اعظم عمران خان

اسلام آباد ۔ 20 اگست (اے پی پی) وزیرِ اعظم عمران خان آکھیے جو ملک اچ ٹیکس کلچر دے ودھارے،کاروباری برادری اتے صارفین کوںسوکھ،ٹیکس ریفنڈسودھا بدعنوانی مکاونڑ حکومت دی ترجیح اے،ایف بی ا ٓر اچ اصلاحات تے کوئی سمجھوتہ نہ کیتا ویسی ،اے گالھ وزیراعظم عمران خان فیڈرل بورڈ آف ریونیو اچ جاری اصلاحات کیتے جائزہ اجلاس دی اگوانڑی کریندے آکھی۔ انہاں آکھیا جو ملک اچ ٹیکس کلچر دا فروغ، ٹیکس دہندگان کیتے سوکھ ڈیونڑ،کاروباری برادری دے تحفظات دور کرنڑ،ایف بی آر کوں بدعنوان عناصر توں پاک کرنڑ حکومت دی ترجیح اے، افراد، کمپنیاں اتے خصوصاً چھوٹے اتے درمیانے درجے دی کمپنیاں کیتے ٹیکس فارم کوں سوکھا کیتا ویسی۔ اجلاس اچ وزیر برائے صنعت محمد حماد اظہر، وزیرِ اطلاعات سینیٹر شبلی فراز، وزیر برائے منصوبہ بندی اسد عمر، مشیر خزانہ ڈاکٹر عبدالحفیظ شیخ، مشیر تجارت عبدالرزاق داو ¿د، مشیر برائے ادارہ جاتی اصلاحات ڈاکٹر عشرت حسین، معاون خصوصی لیفٹنٹ جنرل (ر) عاصم سلیم باجوہ اتے بئے سینیئر افسران شرکت کیتی۔ چیئرمین ایف بی آروزیرِ اعظم کوں ایف بی آراچ جاری اصلاحات اتے اجوکی پیش رفت تے بریفنگ ڈتی۔وزیرِ اعظم ہدایت کیتی جو اہداف دے تعین دے نال نال انہاں کوں پورا کرنڑ کیتےٹائم لائنز مقررکیتی ونجے اتے ایندی پیش رفت دی رپورٹ باقاعدگی نال دٹی ونجے، سرحداں دے ذریعے اسمگلنگ روکنڑ سانگے موثر اقدامات کر تے سرحدی کراسنگ پوائنٹس دی موثر نگرانی کیتی ونجے۔