پہلی توں پنجویں جماعت تئیں ہکو سواں نصاب بنڑا تے ویب سائیٹ تے جاری کر ڈتا گئے ، ٹیلی سکول دے ذریعے 70توں80 لکھ بال تعلیم حاصل کریندے پئن ،تعلیمی اداریاں کوں کھولنڑ بارے بین الصوبائی وزرائے تعلیم کانفرنس 7 ستمبرکو ں تھیسی ،وفاقی وزیر تعلیم تے پیشہ وارانہ تربیت شفقت محمود دی پریس کانفرنس

اسلام آباد ۔ 21 اگست (اے پی پی) وفاقی وزیر تعلیم تے پیشہ وارانہ تربیت شفقت محمود آکھیا جو پہلی توں پنجویںجماعت تئیں ہکو سواں نصاب بنڑا تے ویب سائیٹ تے جاری کر ڈتا گئے ،اپریل2021ءتئیں پورے ملک اچ ہکو سواں نصاب پڑھایا ویسی، ٹیلی سکول دے ذریعے 70توں80 لکھ بال تعلیم حاصل کریندے پئن،احساس پروگرام دے تحت پنجاہ ہزار بالاں کوں سکالر شپس ڈتی ویسن،وزارت تعلیم پہلی واری ہک ہزار نرسز کوں سکالر شپ ڈیندی پئی اے،تعلیمی اداریاں کوں کھولنڑ بارے بین الصوبائی وزرائے تعلم کانفرنس 7 ستمبرکو ں تھیسی ۔نانویں توں بارہویں جماعت دے بالاں کوں اگلی کلاس اچ پروموٹ کیتا ویسی۔اے گالھیں انہاں جمعے کوں اتھاں پریس انفارمیشن ڈیپارٹمنٹ اچ اپنڑی وزارت دی کارکردگی تے پریس کانفرنس نال خطاب کریندیں ہوئیں آکھی۔انہاں آکھیا جو تعلیمی ادارے پندرہ ستمبر توں کھل ویسن پر ایں توں پہلے بین الصوبائی تعلیم کانفرنس اچ صورتحال داجائزہ گھدا ویسی جئیں اچ وزارت صحت،تعلیمی ادارے کھولنڑ بارے اپنڑی تجویزاں ڈیسی اتے تعلیمی اداریاں کوں کھولنڑ بارے تفصیلی طریقہ کار جاری کریسی۔انہاں آکھیا جو وزارت تعلیم بین الصوبائی وزرائے کانفرنس اچ سارے صوبیاں اتے سٹیک ہولڈرز کوں اعتماد اچ گھن کراہیں ہک واضح پالیسی بنڑائی جئیں نال چالہی لکھ بالاں کوں اگلی کلاساں اچ پروموٹ کیتا گئے اتے اینکوں پورے ملک اچ قبول کیتا گئے ۔انہاں آکھیا جو تعلیمی ادارے بند تھیونڑ دے بعد حخومت ست اپریل کوں ٹیلی سکول شروع کیتا،گیلپ پول دے مطابق 70 توں 80 لکھ بال ٹیلی سکول توں تعلیم گھندے پئن۔انہاں آکھیا جو ہائر ایجوکیشن سانگے آن لائن تعلیم شروع کر ڈتی گئی اے۔انہاں آکھیا جو اپریل2021ءتوں ملک اچ پورے ملک دے سکولاں اچ ہکو سواں نصاب ہوسی۔انہاں آکھیا جو پہلی توں پنجویںجماعت تئیں ہکو سواں نصاب بنڑا تے ویب سائیٹ تے جاری کر ڈتا گئے ،اپریل2021ءتئیں پورے ملک اچ ہکو سواں نصاب پڑھایا ویسی، ٹیلی سکول دے ذریعے 70توں80 لکھ بال تعلیم حاصل کریندے پئن،احساس پروگرام دے تحت پنجاہ ہزار بالاں کوں سکالر شپس ڈتی ویسن،وزارت تعلیم پہلی واری ہک ہزار نرسز کوں سکالر شپ ڈیندی پئی اے،تعلیمی اداریاں کوں کھولنڑ بارے بین الصوبائی وزرائے تعلم کانفرنس 7 ستمبرکو ں تھیسی ۔