مسلم لیگ (ن) اتے پیپلز پارٹی ملک لٹیے،مال بنڑاونڑ کیتے ادارے کمزور کیتن اتے پاکستان کوں برباد کیتے،ملک اتے قوم کوں مسلیاں دی دلدل اچ پھساونڑ آلے کیہڑے نک نال پریس کانفرنساں کریندن،وزیراطلاعات و نشریات سید شبلی فراز دی وفاقی وزیر حماد اظہر دے کٹھے پریس کانفرنس

اسلام آباد ۔ 24 اگست (اے پی پی) وفاقی وزیر اطلاعات شبلی فراز آکھیے جو مسلم لیگ (ن) اتے پیپلز پارٹی ملک لٹیے،مال بنڑاونڑ کیتے ادارے کمزور کیتن اتے پاکستان کوں برباد کیتے اتے لوکاں انہاں ڈوہاں جماعتاں کوں مسترد کر تے بدلہ گھن گھدے،ملک اتے قوم کوں مسلیاں دی دلدل اچ پھساونڑ آلے کیہڑے نک نال پریس کانفرنساں کریندن۔اسلام آباد اچ وفاقی وزیر حماد اظہر دے کٹھے پریس کانفرنس کریندے وزیراطلاعات و نشریات سید شبلی فراز آکھیے جو اپوزیشن دیاں گالہیں توں لگدے جو اے کہیں بئے ملک اچ راہندن، شہباز شریف جیڑھے مسلیاں دی گالھ کیتی اے ایندے ذمہ وار اے ا ٓپ ہین جیندا ایجنڈا ہی مال بنڑاونڑ ہا،ایں سانگے انہاں ہر ادارے کوں کمزورکیتے، شہباز شریف دے منہ توں اشرافیہ داناں سنڑنتے کھل آئی اے۔ انہاںا ٓکھیے جو آئی پی پیز توں مہانگی بجلی دے معاہدے انہائیں کیتے ہن اتے کک بیکس گھدن،اساں آئی پی پیز نال معاہداں دا ولا جائزہ گھدے اتے اساں سستی بجلی دی شروعات کرڈتی اے۔اپوزیشن عوام ی رت پیونڑ سودھاہر او کم کیتے جیندے اچ صرف انہاں دا فیدہ تھیوے۔ وفاقی وزیر حماد اظہرآکھیا جو سابق حکومت حالات جانڑ بجھ تے خراب کیتن کیوں جو انہاں کوں پتا ہا جو انہاں دی حکومت ہنڑ نئیں آونڑی، آئی پی پیز، کارکے، ریکوڈک اتے گرے لسٹ اچ انہاں پاکستان کوں پھسائے جیکر معیشت اتنی چنگی ہئی تاں موڈیز ریٹنگ کوں پنج فیصد ڈاون گریڈ کیوں کیتا ہا؟