صدر مملکت ڈاکٹر عارف علوی سینیٹ دے الیکشن  دے معاملے تے آئین دے آرٹیکل 186 دے تحت سپریم کورٹ اچ ریفرنس بھجواوݨ دی وزیرِ اعظم دی تجویز دی منظوری ݙے ݙتی

اسلام آباد۔23دسمبر  (اے پی پی):صدر مملکت ڈاکٹر عارف علوی آئین دے آرٹیکل 186 دے تحت سپریم کورٹ اچ ریفرنس بھجواوݨ دی وزیرِ اعظم دی تجویز دی منظوری ݙے ݙتی تے ریفرنس تے دستخط کرݙتن ۔ وزیرِ اعظم دی تجویز تے سینیٹ دے الیکشن اوپن بیلٹ /شو آف ہینڈز دے ذریعے کراوݨ دے عوامی اہمیت دے معاملے تے صدر سپریم کورٹ دی صلاح منگی اے ۔بدھ کوں اتھاں ایوان صدر دے میڈیا ونگ توں جاری ہک پریس ریلیز موجب ریفرنس اچ آئین اچ ترمیم کیتے بغیر الیکشن ایکٹ 2017ء دے سیکشن   (6) 122  اچ ترمیم کرݨ تے سپریم کورٹ دی توں صلاح منگی ڳی اے ۔وفاقی کابینہ ایں معاملے تے15  دسمبر کوں سپریم کورٹ توں صلاح گھنݨ دی منظوری ݙے چکی اے ۔