منشیات فروشاں دے خلاف کارروائی اساݙی اولین ترجیحات اچ شامل اے، وفاقی وزیر انسداد منشیات اعجاز شاہ دی یو این او ڈی سی دے نمائندہ نال ملاقات اچ ڳالھ مھاڑ

اسلام آباد۔23دسمبر  (اے پی پی):وفاقی وزیر انسداد منشیات اعجاز احمد شاہ آکھیے جو منشیات فروشاں دے خلاف کارروائی اساݙی اولین ترجیحات اچ شامل اے۔ اے ڳالھ انھاں بدھ کوں اتھاں ملاقات کیتے آئے ہوئے یو این او ڈی سی دے  نمائندہ پاکستان جرمی ملسم نال ڳالھ مھاڑ کریندے ہوئیں آکھی اے ۔ملاقات وچ ڳالھ مھاڑ کریندے ہوئیں وفاقی وزیر اعجاز شاہ آکھیا جو یو این او ڈی سی دا منشیات دے خاتمہ کیتے کردار قابل تعریف اے۔ انہاں آکھیے جو منشیات دے عادی لوکاں دے علاج اتے بحالی دے کم تے خصوصی توجہ ݙیسوں ۔ سارے اداریں کوں ایں عمل اچ رلے گھن تے ٹرسوں ۔ ایں موقع تے یو این او ڈی سی دے قومی نمائندے وفاقی وزیر کوں اپݨے لائحہ عمل متعلق تفصیلی بریفنگ ݙٹی تے وفاقی وزیر کوں اپݨے بھرپور تعاون دا یقین ݙیوائے۔ ملاقات دے چھیکڑ تے مستقبل اچ تعاون اتے منشیات دے مکمل خاتمے دے عزم دا اظہار کیتا ڳیا۔ایندے توں پہلے وفاقی وزیر جرمی ملسم دا خیرمقدم کیتا۔