حکومت تریمتیں دے مساوی حقوق یقینی بݨاوݨ دے ایجنڈے تے گامزن اے، جرنلسٹ پروٹیکشن بل اچ تریمت صحافیاں دے حقوق یقینی بݨائے ویندے پئن ،وفاقی وزیر اطلاعات و نشریات سینیٹر شبلی فراز

اسلام آباد۔23دسمبر  (اے پی پی):وفاقی وزیر اطلاعات و نشریات سینیٹر شبلی فراز آکھیے جو وزیراعظم عمران خان دی قیادت وچ موجودہ حکومت تریمتیں دے مساوی حقوق یقینی بݨاوݨ دے ایجنڈے تے گامزن اے، اسلامی تاریخ، تحریک آزادی اچ تریمتیں دا مثالی کردار رہیا،جرنلسٹ پروٹیکشن بل اچ تریمت صحافیاں دے حقوق یقینی بݨائے ویندے پئن ، تریمتاں دے حقوق کیتے جامع حکمت عملی کیتے مذہبی، ثقافتی اقدار اچ رہندے ہوئیں ذہن سازی کرݨ ویلھے دی لوڑھ اے ،سائبر کرائم،ہراساں کرݨ تے ٻئے ودھدے منظم جرائم تے قابو پاوݨ کیتے قانون سازی سودھے ٻئے اقدامات چاتے ویندے پئن ۔ایں ڳالھ کوں یقینی بݨاوݨاں اے جو تریمتاں کوں معاشرتی تحفظ حاصل ہووے۔او  بدھ کوں ایوان صدراچ تریمتاں دے حقوق متعلق تقریب توں خطاب کریندے پئے ہن ۔وفاقی وزیر سینیٹر شبلی فراز آکھیے جو ملک دی آبادی دا 50فیصد تریمتان ہن ، انہاں دے حقوق بارے اقدامات ضروری ہن۔ انہاں آکھیے جو ملکی اسلامی تاریخ، ملکی آزادی دی تاریخ  اتے آئین  اساکوں ݙسیندے جو تریمتان دا کردار مثالی رہیا۔ انہاں آکھیے جو پاکستان بݨݨ دے بعد پہلی ترائے دہائیاں اچ اساݙیاں تریمتاں دا جیڑھا کردار اتے ویژن پروگریسو ہئی مگر 80دی دہائی دے بعد اساݙے ملک اچ ایجھا ماحول بݨیا جیں اساݙے پورے معاشرے کوں آپ دی وکیڑ اچ گھن ڳھدا ،ایں سوچ اساݙے معاشرے تے ایجھی کاری ضرب لاتی جیں توں حالی تئیں اساں جانبر نی تھی سڳیے ،انھاں آکھیے اساݙی پارٹی اچ شیریں مزاری،ثانیہ نشتر اتے ملائکہ بخاری جیہاں فعال تریمتاں ہن جیڑھیاں جو مرداں توں ودھ کم کریندیاں پئن ،انھاں تریمتاں دے حقوق کیتے جیڑھا کم کیتے او اساݙا وژن اے۔