ملک کوں پیش آندے مسئلیں نال نبݨݨ کیتے اساکوں قائد اعظم دے ݙسائے رہنما اصولاں کوں اپناوݨاں ہوسی ، سپیکر قومی اسمبلی اسد قیصر دا یوم قائد دے موقع تے پیغام

اسلام آباد۔25دسمبر  (اے پی پی):سپیکر قومی اسمبلی اسد قیصر آکھیے جو ملک کوں پیش آندے مسئلیں نال نبݨݨ کیتے اساکوں قائد اعظم دے ݙسائے رہنما اصولاں کوں اپناوݨاں ہوسی،اے ڳالھ انہاں قائد اعظم دے 144ویں یوم پیدائش دے موقع تے آکھی اے جیڑھا 25دسمبر کوں نہایت جوش و جذبے نال منایا ویندا پئے ۔ایں موقع تے سپیکر آکھیا جو قائد اعظم محمد علی جناح 20ویں صدی دے عظیم رہنماء اتے مسلم اُمہ دے اتحاد دی علامت ہن۔ سپیکر آکھیا جو قائد اعظم محمد علی جناح جیڑھا کارنامہ سرانجام ݙتا تاریخ ایندا متوازی پیش کرݨ توں قاصر اے ۔انہاں آکھیے جو قائد اعظم دے اصول اتحاد، ایمان اتے تنظیم  کوں اپنا تے اساں نا صرف ملک کوں پیش آندے مسئلیں تے قابو پا سڳدوں بلکہ آپدی عملی زندگی وی بہتر بݨا سڳدوں ۔