اسلام آباد۔25دسمبر (اے پی پی):صدر مملکت ڈاکٹر عارف علوی آکھیے جو آئین پاکستان دے تحت ہر شہری کوں مذہب اتے عبادت دی آزادی حاصل اے۔ ریاست دے مساوی شہری ہووݨ دے ناطے حکومت اقلیتاں کوں اپݨی صلاحیتاں بھرپور طور تے بروئے کار گھن آوݨ دے موقع ݙیندی پئی اے ،اساݙیاں پالیسیاں بین العقائد ہم آہنگی اتے یکجہتی دے ودھارے تے مرکوز ہن، حکومت پاکستان ساریاں اقلیتاں دی فلاح و …
صدر مملکت ڈاکٹر عارف علوی دا کرسمس دے موقع تے پیغام
مزید خبراں
اسلام آباد۔25دسمبر (اے پی پی):صدر مملکت ڈاکٹر عارف علوی آکھیے جو آئین پاکستان دے تحت ہر شہری کوں مذہب اتے عبادت دی آزادی حاصل اے۔ ریاست دے مساوی شہری ہووݨ دے ناطے حکومت اقلیتاں کوں اپݨی صلاحیتاں بھرپور طور تے بروئے کار گھن آوݨ دے موقع ݙیندی پئی اے ،اساݙیاں پالیسیاں بین العقائد ہم آہنگی اتے یکجہتی دے ودھارے تے مرکوز ہن، حکومت پاکستان ساریاں اقلیتاں دی فلاح و بہبود کیتے اقدامات کریندی رہسی تے مساوات تے انصاف دے اصولاں برقرار رکھݨ دی کوشش کریسی ۔ کرسمس دی مناسبت نال اپݨے پیغام اچ صدر مملکت آکھیے جو میں کرسمس دے پرمسرت موقع تے پاکستان اتے پوری دنیا اچ مسیحی برادری کوں کرسمس اتے نویں سال دی مبارکباد پیش کرینداں ۔انہاں آکھیے جو کرسمس اپݨے پیاریں اچ نعمتاں تے خوشیاں ونڈݨ دا ݙینھ اے ،اڄ اساں حضرت عیسیٰؑ کوں خراج تحسین پیش کریندوں جیڑھے جو پوری انسانیت کیتے امن، بھرپی تے احترام دی علامت ہن انہاں نہ صرف روحانی طور تے بیمار انسانیت کوں شفا بخشی بلکہ رواداری، محبت اتے ہمدردی دی اعلیٰ اقدار دی تلقین وی کیتی۔
