پی ڈی ایم دا بیانیہ کہیں طرح جمہوری کائنی ،2018 دے انتخابات دی شفافیت دااعتراف عالمی اداریں کیتے ،وفاقی وزیر اطلاعات و نشریات سینیٹر شبلی فراز دی علی امین گنڈا پور دے رلے پریس کانفرنس

اسلام آباد۔25دسمبر  (اے پی پی):وفاقی وزیر اطلاعات و نشریات سینیٹر شبلی فراز آکھیے جو پی ڈی ایم دا بیانیہ کہیں طرح جمہوری کائنی ،2018 دے انتخابات دی شفافیت دااعتراف عالمی اداریں کیتے، کیا اپوزیشن انتخابی دھاندلی دا معاملہ الیکشن کمیشن ‘ سپریم کورٹ یا پارلیمنٹ اچ چاتے تساں ݙے دھاندلی دے کیا ثبوت ہن‘،اساݙی تحریک اتے انہاں دی تحریک اچ فرق اے ہے جو اساں ہر جمہوری فورم کوں استعمال کیتے تے اے ہر غیر جمہوری ہتھکنڈا استعمال کریندے پئں ،پی ڈی ایم دی صدارت ایجھا بندہ کریندا پئے جیں دی آپݨے گھر اچ عزت کائنی ،مولانا فضل الرحمان اپݨے خلاف کرپشن کیسز بارے جواب ݙٰیوݨ دی بجائے تڑیاں ݙیندن ،حق اتے سچ دی آواز بلند کرݨ آلیں کوں پارٹی اچوں کڈھݨ کیڑھی جمہوریت اے‘ مولانا فضل الرحمان اپݨی پارٹی اچ غیر ضروری تھی ڳئن ،او جمعے کوں پی آئی ڈی اچ وفاقی وزیر امور کشمیر ‘گلگت بلتستان علی امین گنڈا پور دے رلے پریس کانفرنس توں خطاب کریندے پئے ہن ۔وفاقی وزیر اطلاعات نشریات سینیٹر شبلی فرازآکھیے جو حکومت پاکستان ولوں مسیحی برادری کوں کرسمس تے مبارخ ݙیندوں تے بانی پاکستان قائداعظم دے یوم پیدائش تے خراج تحسین پیش کریندوں ۔