نیب اپݨے قیام توں ہݨ تئیں 714ارب روپے قومی خزانہ اچ جمع کرائن ،چئیر مین نیب جسٹس جاوید اقبال

اسلام آباد۔26دسمبر  (اے پی پی):قومی احتساب بیورو (نیب)دے چئیرمن جسٹس جاوید اقبال آکھیے جو نیب بدعنوانی مکاوݨ کوں قومی فرض سمجھ تے ادا کریندا پئے ۔نیب کرپشن فری پاکستان کیتے پر عزم اے۔نیب اعلامیے موجب چئیرمن نیب آکھیے جو بدعنوانی دے خاتمے اتے بدعنوان عناصر توں لٹی ڳی رقم وصول کرݨ کیتے قائم کیتا ڳے۔ نیب اپݨے قیام توں گھن تے ہݨ تئیں بلواسطہ اتے بلا واسطہ طور تے 714 ارب روپے قومی خزانہ اچ جمع کروائے ۔جݙاں جو نیب مقدمات اچ سزا دی شرح 68.8فیصد اے۔جیڑھا جو انسداد بدعنوانی دے ٻئے اداریں دے مقابلے اچ شاندار کارکردگی اے۔انہاں آکھیے جو نیب دا ایمان کرپشن فری پاکستان اے۔نیب دی کارکردگی کوں قومی اتے بین الاقوامی معتبر اداریں جیہیں ٹرانسپیرنسی انٹرنیشنل پاکستان،عالمی اقتصادی فورم ،پلڈاٹ اتے مشال پاکستان وی تعریف کیتی اے ۔