دسمبر ،جنوری،فروری اتے مارچ وی لنگھ ویسن ،انتخابات  2023اچ ہی تھیسن ، لانگ مارچ اتے جلسیں توں کوئی فرق نی پوندا ،گور نر پنجاب چوہدری محمد سرور

لاہور۔26دسمبر  (اے پی پی) گور نر پنجاب چوہدری محمدسرور آکھیے جو دسمبر ،جنوری،فروری اتے مارچ وی لنگھ ویسن ،انتخابات  2023اچ ہی تھیسن ، لانگ مارچ اتے جلسیں توں کوئی فرق نی پوندا، ملکی ترقی کوں ریورس گیئر لاوݨ دیاں سازشاں کرݨ آلیں کوں ناکام بݨیسوں ، او ہفتے کوں گورنر ہائوس اچ تحر یک انصاف سنٹرل پنجاب دے ڈپٹی سیکرٹری اطلاعات رانا اختر حسین اتے مہر نعیم اللہ تاج نال ملاقات تے وچ ڳالھ مھاڑ کریندے پئے ہن ۔گورنر پنجاب آکھیے جو عوام پی ڈ ی ایم نی جمہوریت ،آئین وقانون دی حکمرانی اتے حکومتی بیانیہ دے نال اے ، اپوزیشن کوں اپݨی احتجاجی سیاست تے نظر ثانی کرݨی چاہیدی اے ۔چوہدری محمد سرور آکھیے جو ماضی دے حکمراناں ہر ادارے کوں اپنی سیاسی مداخلت نال تباہ کرݙتے مگر تحر یک انصاف جݙاں توں اقتدار اچ آئی اے اداریں اچ سیاسی مداخلت کوں ختم کرݙتے ۔