حکومت سارے شہریاں کوں کوویڈ 19 دی ویکسین مفت ݙیسی ، ڈاکٹر نوشین حامد

اسلام آباد۔28دسمبر  (اے پی پی):پارلیمانی سیکرٹری قومی صحت خدمات ریگولیشنز اتے کوآرڈینیشن ڈاکٹر نوشین حامد آکھیے جو حکومت پورے ملک اچ سارے شہریاں کوں کووڈ۔ 19 دی ویکسین مفت  ݙیسی ، سنوار کوں اپݨے ہک انٹرویواچ انہاں آکھیے جو حکومت 2021 دی ݙوجھی سہ ماہی تئیں بین الاقوامی مارکیٹ توں کووڈ۔ 19 دی ویکسین گھنݨ کیتے 150 ملین ڈالر دی ابتدائی رقم مختص کیتی اےتاں جو 220 ملین دی آبادی کوں حفاظتی ٹیکےلاتے ونڄ سڳن ۔ چینی ویکسین دے کلینیکل ٹرائلز دا  تریجھا مرحلہ جاری اے تے ٻہوں وختی لوکاں کوں بلا معاوضہ دستیاب تھی ویسی۔انہاں اے وی ݙسائے جو حکومت کورونا و وائرس دے خلاف تحفظ کیتے نجی شعبے کوں ویکسینیں درآمد کرݨ دی اجازت ݙتی اے، انہاں آکھیے جو کورونا وائرس توں بچݨ دی ویکسین ساریں توں پہلے فرنٹ لائن ہیلتھ کیئر کارکنان کوں لاتی ویسی ، انہاں آکھیے جو ݙوجھے مرحلے اچ 65 سال دے بزرگ لوکاں کوں اے ویکسین لاتی ویسی تے بعد اچ باقی لوکاں کوں ویکسین لاتی ویسی۔